firoz irani

રૂરલ અને અર્બન બંને પ્રકારની ફિલ્મોમાં પરફેક્ટ વિલન ફિરોઝ ઈરાની

    ગુજરાતી ફિલ્મો માટે જુના કલાકારોને હવે સમયના પ્રવાહમાં બનતી ફિલ્મો સાથે તાલ મેળવીને ચાલવું પડે તેમ લાગી રહ્યું છે. કારણ કે હવે ફિલ્મોએ પોતાના રંગરૂપ બદલ્યા છે. હવે જેમ પહેલા ફિલ્મો બનતી હતી તેના કરતા ક્યાંય વધુ સારી કક્ષાની અને ઓછી મહેનતે ફિલ્મો બનવા લાગી છે. પરંતુ તે જમાનાના કલાકારો અને આજના યુવા કલાકારોમાં કોઈ ફરક નથી પડ્યો. અપવાદ ફક્ત જુના અને ૬૦૦ થી પણ વધુ ફિલ્મોમાં ખલનાયકી કરનાર અભિનેતા ફિરોઝ ઈરાની. તેઓ પહેલાની ફિલ્મોમાં ઘોડા પર એન્ટ્રી લેતા હવે ફિરોઝ ઈરાની આજની જનરેશનને અનુરૂપ ઓડીમાં એન્ટ્રી મારવા લાગ્યા છે. બદલાતી ફિલ્મો સાથે એક કલાકારે પણ બદલાવું પડે તેનું શ્રેષ્ઠ ઉદાહરણ હિન્દી અને ગુજરાતી ફિલ્મ ઇન્ડસ્ટ્રીમાં ચાર દાયકા પૂર્ણ કરનાર ફિરોઝ ઈરાનીએ સાબિત કરી બતાવ્યું છે. હાલ તેમની બે અર્બન ફિલ્મો આવી રહી છે જેમાં એક ફિલ્મ ‘રોશની’ છે જેમાં તેઓ મુસ્લિમ ડોનનો રોલ ભજવી રહ્યા છે જયારે અન્ય એક ફિલ્મમાં તેઓ અત્યાર સુધીમાં તેમની કારકિર્દીમાં ન ભજવેલું પાત્ર ભજવી રહ્યા છે તે ફિલ્મ એટલે ‘વાયડી ફેમીલી’. આ ઉપરાંત અન્ય બે ફિલ્મો મેઈન લીડ ખલનાયકના રોલ માટે તેઓ સાઈન કરી ચુક્યા છે જેમાં એક રફીક તાલુકદારની ફિલ્મ અને અન્ય એક ગુજરાતી ફિલ્મ છે જેનું નામ હાલ જાણવા નથી મળ્યું. શૈલેશ શાહની ‘વાયડી ફેમીલી’ સહીત અન્ય એક તેમની જ ફિલ્મ હાલ સાઈન કરી ચુક્યા છે જેનું શુટિંગ ટૂંક સમયમાં શરૂ થશે. આ તમામે તમામ ફિલ્મો ગુજરાતી અર્બન ફિલ્મો છે જે અત્યારના દર્શકવર્ગને ફિરોઝ ઈરાની પોતાની સ્ટાઈલમાં અભિનય આપીને વધુ સારૂ કાઠું કાઢશે. ફિરોઝ ઈરાની બળાપો વ્યક્ત કરતા કહે છે કે અમુમ્ક લોકોએ એવી અફવા મારા વિષે ફેલાવી છે કે હું ફક્ત રૂરલ ફિલ્મોનો જ કલાકાર છું તેમને મારે બતાવવું છે કે એક કલાકાર માટે ફિલ્મ એ માત્ર ફિલ્મ હોય છે. તે ભલે પછી રૂરલ હોય કે અર્બન. અત્યાર સુધીની લાંબી કેરિયરમાં ફિરોઝ ઈરાનીએ લગભગ કેટલાય નામચીન કલાકારો સાથે કામ કર્યું છે જે બીજા કોઈ ગુજરાતી કલાકારે કર્યું હોય તે યાદ નથી. 

    તેમની હિન્દી ફિલ્મી કેરિયર પર નજર કરીએ તો મીલેનીયમ મેગા સ્ટાર અમિતાભ બચ્ચન સાથે ‘યાર મેરી ઝંદગી’ અને ‘ખૂન પસીના’ માં, નસીરુદ્દીન શાહ સાથે ઝીંદા જલા દેંગા’ મેઈન વિલન તરીકે કરી, નાના પાટેકર સાથે ‘અંગાર’ જેમાં એક એવો ડોક્ટર જે જેકી શ્રોફને પાગલ બનાવી દે છે. જયારે આ ફિલ્મ ‘અંગાર’ માટે નાના પાટેકરને ફિલ્મ ફેર એવોર્ડ મળ્યો ત્યારે એવોર્ડ નાઈટમાં ફિરોઝ ઈરાની સાથેનો આ જ સીન બતાવવામાં આવ્યો હતો. હાલ પણ જેકી શ્રોફ ફિરોઝ ઈરાની જયારે અન ભેગા થાય ત્યારે ગુજરાતીમાં જ વાતો કરે છે. અનીલ કપૂર સાથે ‘લવ મેરેજ’ માં તેઓ મેઈન વિલન બન્યા અને ક્લાઈમેક્સનો ફાઈટ સીન તેમના પર જ લેવામાં આવ્યો હતો. ધર્મેન્દ્ર અને જીતેન્દ્ર સાથે ફિલ્મ ‘નફરત કી આંધી’ માં ચાર વિલનમાના એક ફિરોઝ ઈરાની હતા. અબ્બાસ મસ્તાન દિગ્દર્શિત અક્ષય કુમાર, બોબી દેઓલ સાથે ‘હમરાઝ’ માં કામ કર્યું. આમીરખાન અને રજનીકાંત સાથે ‘આતંક હી આતંક’ માં એક એવા ડોન બન્યા જેનું નામ યુસુફ પટેલ હતું. ગોવિંદા સાથે, હિન્દી ફિલ્મોમાં કેવી રીતે એન્ટ્રી થઇ તે વાત પણ મજાની છે. તે સમયે દિગ્દર્શક મુકુલ દત્ત ‘આન મિલો સજના’ બનાવી રહ્યા હતા. તે સમયે ફિરોઝ ઈરાની માત્ર ૨૪ વર્ષના હતા અને તેમને આ ફિલ્મમાં પોલીસ ઇન્સ્પેક્ટરના માત્ર બે સીન કરવા મળ્યા હતા. ત્યારબાદ ખૂન પસીનાના ડિરેક્ટર રાકેશ કુમારને આ ફિલ્મમાં ફિરોઝ ઈરાની આસીસ્ટ કરી રહ્યા હતા. ફિલ્મનું શુટિંગ કાશ્મીરમાં ચાલી રહ્યું હતું અને તે સમયના વિલન સુધીર કોઈ કારણોસર શુટિંગ લોકેશન પર ન પહોચી શક્યા એટલે રાકેશ કુમારે પોતાના આસીસ્ટંટ ફિરોઝ ઈરાનીને આ રોલ કરવાનું કહ્યું અને ફિરોઝ ઈરાનીએ સહર્ષ તે સ્વીકારી લીધું. કારણ કે કેરિયર તો હિન્દી ફિલ્મોમાં બનાવવી જ હતી. પછી ભલે તે દિગ્દર્શનમાં બંને કે અભિનયમાં. 

પ્ર – નોર્મલી ગુજરાતી પડદેથી અભિનેતાઓ હિન્દી પડદે આવતા હોય છે જયારે તમારી કેરિયર હિન્દી ફિલ્મોમાં બની જ ગઈ હતી તો ફરી ગુજરાતી ફિલ્મો તરફ વળવાનું કારણ ?

ઉ – તે સમયે મને ઘણી હિન્દી ફિલ્મો અને સીરીયલ્સની ઓફર્સ મળી રહી હતી અને બીજી તરફ રોજની ચાર ચાર ફિલ્મોના શુટિંગ મારે ચાલુ હતા. જે અમુક કારણોસર ત્યારે ગુજરાતી ફિલ્મોના શુટિંગ પણ મિક્સ થઇ ગયા એટલે મારું ધ્યાન ફક્ત મારા કામ પર હતું. જેની અસર મારી હિન્દી ફિલ્મોના કામ પર પડી. જેને હું મારી ભૂલ નથી ગણતો. કારણ કે ગુજરાતી ફિલ્મોથી જ મારી ઓળખ છે અને એનાથી જ ગુજરાતના લોકો મને નથી ભૂલી શક્યા. 

પ્ર – ખલનાયકને હંમેશા લોકો ધુત્કારે છે ત્યારે તમને કેવું લાગે છે ?

ઉ – મને હું જે કરી રહ્યો છું તેનું વળતર લોકો પાસેથી મળે છે. જેમ પહેલાના સમયના વિલન અમરીશ પૂરી કે પ્રાણ લોકો પર એવા હાવી થઇ ગયેલા કે હજી પણ કોઈ પોતાના બાળકનું નામ તેમના નામ પરથી નથી રાખતા. અને ખલનાયકને હંમેશા નફરતથી જ જોવામાં આવે છે ત્યારે મને આનંદ થાય છે. કારણ કે મારું માનવું છે કે હીરો એ હોય જેની એન્ટ્રી પર તાળીઓ વાગે અને વિલન એ સફળ કહેવાય જેની એન્ટ્રી પર ગાળો પડે.

પ્ર - એવું પણ સાંભળવામાં આવ્યું છે કે તમને ઘણી પોલીટીકલ પાર્ટીઓ તમારા પાછળ પડી છે ૨૦૧૭ ના ઈલેક્શન માટે શું એ વાત સાચી છે ?

ઉ - પાર્ટીઓ તો ઘણી પાછળ પડી છે પણ હજી મેં વિચાર્યું નથી કે મારે પોલીટીક્સમાં આવવું જોઈએ કે નહિ.

અત્યાર સુધીમાં લગભગ ૫૩૨ જેટલી ગુજરાતી ફિલ્મોનો આંકડો પહોચ્યો છે. ૮૫ જેટલી હિન્દી ફિલ્મો.

n  ગજ્જર નીલેશ

Read More

gokul baraiya

મારી સ્કુલની બેગમાં બુક્સને બદલે કોસ્ચુમ્સ ભરેલા રાખતો - ગોકુલ બારૈયા

    ફિલ્મી દુનિયા એકદમ ઝાકમઝોળ દુનિયા છે જેમાં આવવા માટે કેટલાય નવયુવાનો પડાપડી કરતા હોય છે. કોઈ હીરો બનવા માટે પહેલું પગથીયું લાગવગ શોધે છે કે જો ડાયરેક્ટ ફિલ્મોમાં કામ મળી જતું હોય તો વધુ બીજે ક્યાંય ફાંફા મારવા નહિ. અને બીજા એવા લોકો હોય છે જે પોતાની પ્રવૃત્તિને જ પ્રથમ પગથીયું બનાવીને ચાલે છે. જેમકે કોઈ અભિનયના પાઠ શીખીને ફિલ્મોમાં ચમકે છે તો કોઈ નાના નાના ફિલ્મના કામો કરીને આગળ વધે છે. એવી રીતે જ ગોકુલ બારૈયાનું નામ પોતાના દમ અને કુશળતા પર ફિલ્મોમાં નામ કમાયા એમ કહી શકાય. ગોકુલ બારૈયાને નાનપણથી જ ફેશન ટીવી જોવાનો ગાંડો શોખ હતો. તેમાં આવતા મોડેલ અને તેના પોશાકો વગેરેને જોઇને ગોકુલને એમ થતું કે ક્યારેક મારે પણ આવી રીતે એક મોડેલ બનવું છે. તેમને સ્કુલ ટાઈમમાં પોકેટ મની માટે ફક્ત ૨૦ રૂપિયા મળતા હતા. જેમાંથી ગોકુલ સ્કુલે ચાલતા જતા અને ચાલતા આવતા એમ થોડી થોડી પોકેટ મની બચાવી બચાવીને મોડેલીંગ માટેનું ફોર્મ ભરી આવતા. ત્યાના ઓડીશન્સ અને મેલ મોડેલ્સને જોઇને એમની પાસેથી થોડું ઘણું જાણીને અનુભવ મેળવ્યો. આટલી સખત મહેનત બાદ ૨૦૦૭ માં એક સ્પર્ધામાં ‘મી. સુરત’ ની ખ્યાતી પામ્યા. આ શોખ તે સમયે એટલો કે દફતરમાં બુક્સ ને બદલે કોસ્ચુમ્સ ભરેલા હોય. જેનાથી દસમું ધોરણ ફેલ થયું પણ અભિનયક્ષેત્રના દરવાજા ખુલી ગયા અને સુરતની જ એક ખાનગી ચેનલ માટે ‘સાસુજીના સોનેરી સપના’ નામની સીરીયલમાં કામ મળ્યું. ત્યારબાદ ઘણા આલ્બમ સોન્ગ્સ કર્યા જેનાથી મેકઅપ આર્ટીસ્ટ મોના ચાવડા સાથે સંપર્કમાં આવતા તેમની સાથે એડ ફિલ્મ્સ કરી. તે દરમિયાન મોના ચાવડા નિર્માતા હરેશ પટેલની ફિલ્મ ‘પ્રીત જનમો જનમની ભુલાશે નહિ’ માં જોડાયા અને તેમાં ઉમેદસિંહ નામના પાત્રની શોધ ચાલુ હતી. જેમાં ઓડીશન થકી ઉમેદસિંહનું પાત્ર ગોકુલને મળ્યું. જે ગોકુલની પહેલી જ ફિલ્મ સિલ્વર જ્યુબીલી રહી હતી તે તો સૌ જાણે જ છે. જેનાથી ગોકુલ બારૈયાનો ઉત્સાહ વધ્યો અને થયું કે હવે આના કરતા પણ સારી એક્ટિંગ કરીને બતાવવી પડશે જેથી દર્શકોમાં લોકપ્રિય થઇ શકાય. ત્યારબાદ તરત એક હિન્દી ફિલ્મ અને એક ભોજપુરી ફિલ્મ ‘રાજા પરદેસી’ મળી. છેલ્લે તેઓ આત્મારામ ઠાકોરની ફિલ્મ ‘અવતાર ધરીને આવું છું’ માં અભિનેતા વિક્રમ ઠાકોર સામે બાથ ભીડતા દેખાયેલા. 

પ્ર – છેલ્લે નેગેટીવ રોલમાં દેખાયેલા તો એમાં જ કારકિર્દી બનાવશો ?

ઉ – મને એવું નથી ક્યારેય સુઝ્યું કે હું અમુક પાત્રોમાં બધીયાર રહીને વિહરી ના શકું. મારા માટે પાત્ર મહત્વનું છે નહિ કે એની અદા. મારા મતે દરેક પાત્ર પડકારજનક હોય છે જો તેને ગંભીરતાથી લેવામાં આવે તો. હું હમણાં જ એક ફિલ્મ ઝવેરચંદ મેઘાણી પર બની રહી છે તેમાં અભિનય કરી રહ્યો છું. જેમાં હું હીરો તરીકે દર્શકોને જોવા મળીશ. જેના માટે મારે એમના વિષે ઘણું જાણવું પડ્યું હતું. એટલે મારા માટે દરેક રોલ એક પરીક્ષા સમાન છે. હું માનું છું કે મે એક ફિલ્મ સાઈન કરી તે ફિલ્મનું શુટિંગ જ્યારથી શરૂ થવાનું હોય ત્યારથી હું મારી પરીક્ષાની ઘડીઓ ગણવા માંડુ છું. તેને હું પરીક્ષા જ માનું છું. 

પ્ર – અર્બન ફિલ્મો વિષે હાલ શું વિચારો છો ?

ઉ – સો ટકા હું અર્બન ફિલ્મો કરીશ જ અને એક કરી પણ રહ્યો છું. સમાજમાં દરેક પ્રકારના લોકોનો વર્ગ છે. અમુકને સારી સ્ટોરી હોય તો ફિલ્મ ગમે છે, ઘણાને સારા સોન્ગ્સ હોય તો ફિલ્મ ગમે છે. અત્યારની જનરેશન સાથે નહિ ચાલો તો આ જનરેશન તમને પાછળ છોડી દેશે. દ્વિભાષી અને ડબલ મિનીંગ કોમેડી ફિલ્મો બંને છે તેનાથી મને કોઈ છોછ નથી. કારણ કે તેને જોવાવાળો વર્ગ છે. મારી આવનારી ફિલ્મ ‘હદ થઇ ગઈ’ એ હાલની જનરેશન પર જ બની છે.

n  ગજ્જર નીલેશ

Read More

upcomng moves 2017

‘સાજણ પ્રીતની જગમાં થાશે જીત’ જેવી રૂરલ અને ‘લવ વાયરસ’ જેવી અર્બન ફિલ્મો ૨૦૧૭ માં ધૂમ મચાવશે 

૨૦૧૬નું વર્ષ પૂરું થયું જેમાં લગભગ ૫૦ થી પણ વધુ ગુજરાતી ફિલ્મો રીલીઝ થઇ. જેમાં અમુક અપવાદ બાદ કરતા ઘણી અર્બન ફિલ્મો પાણી પણ નથી માગી શકી. જે ફિલ્મોએ ફ્લોપનો સ્વાદ ચાખ્યો છે એવી ઘણી ફિલ્મો છે. એમાય જે ફિલ્મોએ એવોર્ડ મેળવી પોતાની સફળતાનો ઝંડો ગાડ્યો છે તેમાં મૂળ ચાર પાંચ ફિલ્મો જ ચાલી. હવે ૨૦૧૭ માં કેટલી ફિલ્મો આવી રહી છે ? તેમાં કેટલી ફિલ્મો અર્બન હશે અને કેટલી ફિલ્મો રૂરલ હશે ? આ ઉપરાંત કેટલા નવા નવા હીરો, હિરોઈન આ વર્ષે ગુજ્જુવૂડમાં ડેબ્યુ કરશે તે તો આવનારો સમય જ કહેશે. ૨૦૧૬ માં આવેલા નવા ચેહરાઓએ પણ કંઈ કમાલ નથી બતાવી. અમુક ગાયક અભિનેતાઓને તો ફ્લોપનું લેબલ જ લાગી ગયું છે. ગયા વર્ષે અભિનેતા ઈશ્વર ઠાકોરની ત્રણ ત્રણ ફિલ્મો રીલીઝ થઇ પણ તેમાંથી એકપણ ફિલ્મે થીયેટરમાં કંઈ કરી બતાવ્યું નથી અને ફ્લોપ રહી. અર્બન હિરોમાં મલ્હાર ઠક્કરે જે પણ ફિલ્મો આપી તે સારી ચાલી પણ હવે ૨૦૧૭ માં તેની કેટલી ફિલ્મો આવશે તે જોવું રહ્યું. આમ તો તેઓ બહુ જ વ્યસ્ત અભિનેતાઓમાં સ્થાન ધરાવે છે. ખેર આપણે તો વાત કરી રહ્યા છીએ સફળ અભિનેતા, અભિનેત્રીઓની અને ફિલ્મોની.  

 

આ વર્ષે પણ લગભગ ગયા વર્ષની સરખામણીએ ઘણી અર્બન અને રૂરલ ફિલ્મો રીલીઝ થશે. જેમાં અભિનેત્રી ચીની રાવલ ગયા વર્ષે ’16 ફાઈટ અગૈન્સ્ટ રેગીંગ’ જેવી થ્રીલર ફિલ્મ હવે અને હવે તે ‘સુપરસ્ટાર’ અને દિગ્દર્શક નિશીથ બ્રહ્મભટ્ટની ફિલ્મ ‘લપેટ’ માં જોવા મળશે. અભિનેતા અને કોમેડિયન જીતું પંડ્યાને તો બધા ઓળખે જ છે. તેમની ૨૦૧૭ માં આવનારી ફિલ્મોમાં હાશ લવ થઇ ગયો, વાયડી ફેમીલી, જલસા કર, રજવાડી છીએ અમે માનભર રહીએ, પ્રેમ એક જંગ વગેરે તથા એક ભોજપુરી ફિલ્મ ‘સૈયા તુફાની’ અને એક મરાઠી ફિલ્મ ‘અગ્નિપરીક્ષા પ્રેમાંચી’ આ ઉપરાંત ઈંગ્લીશ શોર્ટ ફિલ્મ ‘ધ મેરેજ ઇન અમેરિકા’, મારવાડી ભાષામાં બની રહેલ ‘જય હિંગળાજ માં’ ઉપરાંત ‘સમયચક્ર’ માં પણ જોવા મળશે. આ સાથે બીજા કોમેડીકિંગ અભિનેતા પ્રવીણ મહેતાની ૨૦૧૭ માં અઢળક ફિલ્મો આવી રહી છે. જેમાં લવ લગન ને લોચો, ઠન ઠન ગોપાલ, પટેલ પાછો ના પડે ઠાકોર કોઇથી ના ડરે, હાશ લવ થઇ ગયો, મનડું મળ્યું મહેસાણામાં, લવ યુ યાર, ક્યારે જઈશું પતાયા, આવું તો થયા કરે, લોચા લાપસી, વાયડી ફેમીલી, શ્રદ્ધા વર્સીસ સાયન્સ, ધ પોલીસમેન, મણિયારો આયો સાજણના દેશમાં, બીજ્જો દિવસ, ટેન્શન થઇ ગયું યાર, કમલી તારી માયા લાગી વગેરે. દિગ્દર્શક સત્યેન વર્મા ગયા વર્ષે ‘ચક્રવ્યૂહ’ લઈને આવ્યા હતા હવે તેઓ ‘ફોડી લઈશું યાર’ ફિલ્મને લઈને આવી રહ્યા છે. નિર્માતા ભારત વ્યાસ મસ્તીખોર લઈને આવી રહ્યા છે જે બહુ ઓછી જોવા મળતી બાળકો પર આધારિત ફિલ્મ છે અને તેમાં હિતુ કનોડિયાએ એક શિક્ષકની ભૂમિકા ભજવી છે. ‘દે તાલી’ ના અભિનેતા વનરાજ સિસોદિયા આ વર્ષે એક હિન્દી ફિલ્મ ‘ગીરગીટ’ માં જોવા મળવાના છે. કોમલ ઠક્કરે વર્ષના અંતમાં હેતલ ઠક્કર અને અરવિંદ વેગડા આયોજીત જીફામાં પોતાના ડાન્સનો જાળવો બતાવીને સૌને મંત્રમુગ્ધ કર્યા હતા તે હવે અશોક પટેલ (સમ્રાટ) ની હમીરજી અને એક રવિકિશન સાથે ભોજપુરી ફિલ્મ ‘ખાઓ પીઓ મસ્ત રહો’ માં જોવા મળશે. ગુજરાતી ફિલ્મ ઇન્ડસ્ટ્રીમાં નવા નવા નિર્માતાઓ પણ આ વર્ષે જોવા મળશે જેમાં નિર્માતા હર્ષદ કંડોલિયા ગયા વર્ષે ‘કેમ રે ભૂલાય સાજણ તારી પ્રીત’ લઈને આવ્યા હતા તેમની જ હીટ જોડી રાકેશ બારોટ અને પ્રીનલ ઓબેરોયને લઈને ફરી ૨૦૧૭ માં ‘સાજણ પ્રીતની જગમાં થાશે જીત’ લઈને આવશે. નિર્માત્રી કાલીન્દીની પોતાની ફિલ્મ ‘ગુજરાત ટુ મુંબઈ’ લઇ જશે. નિર્માતા રીતેશ મોકાસણાએ ગયા વર્ષે ગુજરાતી ફિલ્મોને ‘ઓલ્વેઝ રહીશું સાથે’ કહ્યું હતું. જેનું વચન પાળતા હોય તેમ તેઓ ૨૦૧૭ માં ‘બોસ હવે તો ધમાલ’ મચાવવા આવી રહ્યા છે. અભિનેતા રવિ કુમાર ‘સમય’ અને ‘તે તો કમાલ કરી યાર’ ફિલ્મમાં દર્શકોને જોવા મળશે. નિર્માતા હરેશ જોગરાણા આ વર્ષે આપણા વડાપ્રધાન જવાહરલાલ નહેરુ અને છેલ્લા વાઈસરોય લોર્ડ માઉન્ટ બેટનની પત્નીના એડવિનાના પરમ સંબંધ પર આધારિત ૧૯૪૭ ની પુષ્ઠભૂમિ પર હશે. જેમાં કાશ્મીર અને ભારત – પાક ભાગલાનું સચોટ ચિત્રણ હશે. અભિનેતા રોહિત મહેતા પ્રેમ એક જંગ, રજવાડી છીએ અમે માનભર રહીએ, વલ્લભાચાર્ય વગેરે ફિલ્મોમાં જોવા મળવાના છે. નિર્માતા દિગ્દર્શક હિંમત લાડુમોર પોતાની આગામી હિન્દી ફિલ્મ ‘હમેં હક્ક ચાહિયે હક્ક સે’ લઈને આવી રહ્યા છે. દિગ્દર્શક યુવરાજસિંહ જાડેજાએ ગયા વર્ષે ‘ઓલ્વેઝ રહીશું સાથે’ ડીરેક્ટ કરી હતી હવે તેઓ તે જ નિર્માતાની ‘બોસ હવે તો ધમાલ’ ફિલ્મનું દિગ્દર્શન સંભાળશે. ‘સળગતો સવાલ – અનામત’ જે ૨૦૧૬માં રીલીઝ ના થઇ શકી તે હવે ૨૦૧૭ માં થશે અને તેના હીરો મોબીન ખાનની આ ઉપરાંત પ્રેમની પરીક્ષા, રાધા વિના જગ સુનો, પિતા પુત્રની જોડી હિતુ કનોડિયા અને નરશ કનોડિયા સાથે ‘લે તારે લેતો જા’ અને ‘તું ક્યાં?’ માં જોવા મળશે. ૨૦૧૬ માં ૧લી જાન્યુઆરીએ રીલીઝ થયેલી ‘હુતુતુતુ’ ની નિર્માત્રી શીતલ શાહ ૨૦૧૭ માં કમાલ અમરોહીની મરાઠી ફિલ્મ ‘દુનિયાદારી’ પર આધારિત એ જ ટાઈટલ સાથે ગુજરાતીમાં ફિલ્મ રીલીઝ કરશે. અભિનેત્રી પૂજા પટેલ જયકર ભોજકની ફિલ્મ ‘ઠન ઠન ગોપાલ’ માં જોવા મળશે. અભિનેત્રી સુષ્મા જાધવ ગુજરાતી ફિલ્મ ‘ધ એન્ડ’ અને ‘પ્રેમ એક જંગ’ માં જોવા મળશે. ’16 ફાઈટ અગૈન્સ્ટ રેગીંગ’ ના રાઈટર જયદીપસિંહ ઝાલા આ વર્ષે ‘ગાથા’ જેવી રહસ્યમય ફિલ્મ લઈને આવી રહ્યા છે. ઉલ્લેખનીય છે કે ગયા વર્ષે પણ તેઓએ દર્શકોને રહસ્ય પ્રેરિત ફિલ્મ જ આપી હતી. આ ઉપરાંત નિર્માતા ભરતની ‘દિલ કરે છે ફિલ’ અને અભિનેત્રી જલ્પા ભટ્ટ પ્રાંજલ ભટ્ટની ‘ધ એન્ડ’ અને નિર્માતા કેશવ રાઠોડની ‘સમયચક્ર – ધ ટાઈમ સ્લોટ’ અને કેયુર પટેલની ‘પ્રેમ એક જંગ’ માં પોતાની અભિનય પ્રતિભા બતાવશે. ‘ચોરના ભાઈ ઘંટી ચોર’ ના અભિનેતા મહેન્દ્ર પંચાલ આ વર્ષે ‘સીટી ગર્લ ૦૦૯’ માં હીરોગીરી કરતા જોવા મળશે. આ ઉપરાંત અર્બન અને રૂરલ ફિલ્મોનો ફાલ આવી રહ્યો છે જેમાં ખાટી મીઠી સેટિંગ, કેરી ઓન કેસર, ગ્રાન્ડ હળી, શુભારંભ, ધન્તીયા ઓપન, આઈ વિશ, આવ તારું કરી નાખું, તું મારો દોસ્તાર, લવ વાયરસ, તૃપ્તિ, દેવાંગ, ડાયમંડ ક્વીન, ઓત્તારી, ચોર બની થનગાટ કરે, અરમાન જેવી ફિલ્મો રીલીઝ થશે. આમ અમુક ફિલ્મો હાલ ફ્લોર પર છે તો અમુકની રીલીઝ ડેટ આવી નથી, એટલે ગુજરાતી ફિલ્મોના રસિયાઓ માટે ગયા વર્ષ કરતા ૨૦૧૭ નું વર્ષ મોજ સાથે ભરપુર મનોરંજન કરાવે તેવું હશે.

સીને રિપોર્ટર – ગજ્જર નીલેશ

Read More

duniyadari

Duniyadari  

Starcast – malhar thakar, esha kansara, aarjav trivedi, mamta chaudhari, tarika tripathi, shaunak vyas, parikshit tamaliya, kishan gadhavi, sanjay galsar, hemang shah, rajan thakar

released on – 17 february 2017

genre – period drama, love story, comedy

Producer – tajdar amrohi, riyaz balooch

Director – sheetal shah

banner – kamal amrohi pictures

Story –

Screen play –

Dialogue –

Editer –

Lyrics –

Music director – monty sharma

Singer –

Cameramen –

Dance master –

Fight master – 

Read More

Rajwadi chhiye ame manbhar rahiye

Rajwadi chhiye ame manbhar rahiye

Starcast – vikram thakor, mamta soni, firoz irani, rakesh pande, jitu pandya, mahesh rabari, bharat sinh rana, mitresh varma

released on – 17 february 2017

genre – action

Producer – dhiren randheja, harsukh patel, kishan sabnani, babul patel

Director – dhiren randheja

banner – jay shree bajrangbali films

Story – dhiren randheja

Screen play – dhiren randheja, mukesh malvankar

Dialogue – mukesh malvankar

Editer – ravindra sinh rathod

Lyrics – rahul wegad

Music director – ranjeet nadiya, vikram thakor

Singer – vikram thakor, darshana Gandhi, bhikhudaan gadhavi, dinesh nadiya, ratan sinh vaghela, himanshu

Cameramen – manu zala, raju jaam

Dance master –madhav kishan, ashwin master, mahesh balraj

Fight master – abdul aziz khan

Read More