hadh thai gai

gujjuartist04.blogspot.com

hadh thai gai

Read More

colorbaaj

gujjuartist04.blogspot.com

colorbaaj

Read More

mamta soni

gujjuartist04.blogspot.com

ગુજરાતી ફિલ્મોની ચુલબુલી અદાકારા એટલે મમતા સોની જેણે અત્યાર સુધીમાં કેટલીયે હીટ અને સુપરહીટ ફિલ્મો આપી છે.

    ગુજરાતી ફિલ્મોની ચુલબુલી અદાકારા એટલે મમતા સોની જેણે અત્યાર સુધીમાં કેટલીયે હીટ અને સુપરહીટ ફિલ્મો આપી છે. નાનપણથી જ અભિનય પ્રત્યે થોડો ઘણો લગાવ તો હતો જ. શરૂઆતમાં બંને બહેનો મમતા સોની અને રીના સોની તેમના માતુશ્રી સાથે જામનગર ખાતે બ્યુટી પાર્લર ચલાવતા હતા. તેમાંથી આગળ વધીને આ બંને બહેનો અત્યારે ગુજરાતી ફિલ્મ ઉદ્યોગમાં પોતાનું એક અલગ આગવું નામ મેળવી ચુકી છે. ઉપરાંત તેણે ઘણા આલ્બમો અને સ્ટેજ પ્રોગ્રામો પણ કરી ચુકી છે જેને જોવા માટે લોકોની એટલી ભીડ જામે છે કે ઉભું રહેવું પણ મુશ્કેલ થઇ પડે છતાં પણ લોકો દૂર દૂરથી આવીને આખી આખી રાત ઉભા રહીને મમતા સોનીનો સ્ટેજ પ્રોગ્રામ નિહાળે છે. મમતા સોનીની જોડી વિક્રમ ઠાકોર સાથે ખૂબ જ જામી ચુકી છે અને જામે જ. કારણ કે, તેઓની બંનેની જોડીએ ઘણી હીટ ફિલ્મો આપી છે. મમતા સોનીની વધુ પડતી ફિલ્મોમાં તેનું નામ રાધા જ રહ્યું હોય હવે તો લોકો મમતા સોનીને જોઇને તેને પોતાના નામે પણ નથી બોલાવતા. જે મમતા સોનીને રાધા કહીને બોલાવે છે જે મમતા સોનીને પસંદ નથી. એવોર્ડ્સ વિષે પૂછતાં તેમણે કહ્યું કે કલાકારના કામની કદર જ એવોર્ડ હોય છે. જો કામ સારૂ હોય તો દર્શકો પણ હોંશે હોંશે સ્વીકારે છે અને જો તમે અભિનયમાં સહેજ પણ ચૂક કરી કે તમારી ફિલ્મ ફ્લોપ.

પ્ર – સંઘર્ષના દિવસો યાદ આવે છે?

ઉ – શરૂઆતના જે ના ભૂલાય તેવા દિવસો તો બધાને હંમેશા યાદ જ હોય છે. તેથી જ તેને ના ભૂલાય તેવા દિવસો કહે છે. ત્યારે મને જયારે કામ મળતું હતું ત્યારે એક એકસાઈટમેન્ટ રહેતું હતું કે, આજે નવું પ્રોજેક્ટ મળ્યું, આજે આ કામ મળ્યું. તે તેનો લુત્ફ હું મારા મિત્રો અને મારી ફેમીલી સાથે શેર કરતી હતી. હવે આજની તારીખમાં એવું છે કે પ્રોજેક્ટ કે નવી ફિલ્મો તો ઘણી મળે છે પણ તેના માટે સમય ઓછો પડે છે. બીજું એ કે પહેલા જેવા રોલ ઓફર થતા તે કોઈપણ હિચકાટ વગર હું કરી લેતી હતી પણ હવે જે રોલ મને સારા લાગે તેવા રોલ જ હું કરું છું. તો પહેલા કામ માટે રાહ જોવી પડતી હતી કે કામ મળી જાય તો મજા આવે અને હવે કામ તો ઘણા બધા આવે છે પણ વ્યવસ્થિત કામ આવે તો મજા આવે છે.

પ્ર – ફિલ્મો અને જાહેર કાર્યક્રમોની વચ્ચે પરિવાર માટે કેવી રીતે સમય ફાળવો છો?

ઉ – હા જુઓ શુટિંગ હોય છે ત્યારે મહિનાઓ સુધી ઘરથી બહાર રહેવું પડતું હોય છે. ઘણી બધી વાતોમાં જતું પણ કરવું પડતું હોય છે કે અમુક જગ્યાઓ પર પીવાનું પાણી સારૂ ન હોય, જમવાનું સારૂ ન હોય. તડકામાં શુટિંગ કરવું પડે. એટલે અમારે શુટિંગમાં અમારું હાર્ડવર્ક વધારે હોય છે. જયારે લાઈવ શોમાં બહુ મજા આવતી હોય છે. બે – ત્રણ કલાકનું ટ્રાવેલિંગ હોય અને ત્યાં સ્ટેજ પર્ફોમન્સ હોય. જે રાત્રે જ હોય છે એટલે દિવસે આરામ કરવાનો સમય તો મળી જાય છે. તો ત્યાં અમારે પબ્લિક સાથે ડાયરેક્ટ કોન્ટેક્ટ હોય છે તો ખ્યાલ આવે છે કે પબ્લિક અમને કેટલી લાઈક કરે છે. કેવો રિસ્પોન્સ આપે છે. ત્રીજી વાત રહી ઘરની. જે તો હું જયારે પણ થોડો સમય મળે હું મારી બહેનોના ઘરે કે પાપા સાથે સમય વિતાવું છું. ટૂંકમાં ત્રણેય વસ્તુ માટે હું સમય ફાળવી શકું છું.

પ્ર – પરિવારના એકથી વધુ સભ્યો ફિલ્મ લાઈનમાં હોય તો હરીફાઈ થતી હોય છે. તો તમારે એવું બને છે ખરું?

ઉ – ના અમારે બંને બહેનોમાં એવું કંઇ પણ નથી. હું તો તે આગળ વધે તેમાં તો બહુ જ ખુશ છું. મારો સ્વભાવ તો એવો છે કે હું જો મારી કોઈ બહેનપણી કામ કરવા માગતી હોય તો તેના માટે પણ દિગ્દર્શકને ભલામણ કરું છું. મને જો કોઈ સારો પ્રોજેક્ટ મળે છે તો સૌથી પહેલા હું મારા ઘરના લોકોને જ કહું છું કે આજે મે આ ફિલ્મ સાઈન કરી, આજે મારો પ્રોગ્રામ સારો રહ્યો, જે સાંભળીને તેઓ પણ ખુશ થાય છે અને તેને સારૂ કામ મળે છે તો તેઓ મને ગર્વથી કહે છે. એટલે અમારી વચ્ચે કોમ્પીટીશન જેવું કંઇ નથી.

પ્ર – જાણવા મળ્યું છે કે એક દિગ્દર્શક તમને બંનેને સાથે લઈને ફિલ્મ બનાવવાની યોજના બનાવેલી પણ?

ઉ - એવું તો થતું રહે છે પણ મને ખ્યાલ નથી કે તે કોણ હતા અને અમે બંને સાથે ફિલ્મો કરીએ તો કોઈને પણ કોઈ વાંધો તો નથી જ. આ અગાઉ પણ અમે બંને બહેનોએ સાથે એક ફિલ્મ બેવફા પરદેશી કરી જ છે. હા અમુક દિગ્દર્શકો એવી ફિલ્મ અમને બંનેને સાથે લઈને બનાવવા માંગતા હોય પણ પછી તે વાત ક્યાં જતી રહે છે તે ખબર નહિ.

પ્ર – તમે વિક્રમ ઠાકોર સાથે જ વધુ ફિલ્મો સ્વીકારો છો બીજી ફિલ્મો?

ઉ – એના પાછળ રીઝન એ છે કે આજે આપણને ખબર હોય છે કે માર્કેટમાં શું ચાલે છે શું નથી ચાલતું. એવું નથી કે હિરોઈન. આજે તમે ઘણા બધા પ્રોડ્યુસર અને ડાયરેક્ટરને પણ જોઇલો. એ લોકો પણ પકડીને જ બેઠા છે કે ભાઈ અમારે આની જોડે જ કામ કરવું છે. તો તેવું શામાટે? તો તેમને એની ખાતરી છે કે અમને ત્યાંથી ઇન્કમ થશે. ફિલ્મ રીલીઝ થતા કંઇક ફાયદો થશે. એવું નથી કે મે બીજા આર્ટીસ્ટ જોડે કામ નથી કર્યું. એક – બે વખત રિસ્ક લીધું પણ છે કે કદાચ એ લોકોના નામ પર ફિલ્મ ચાલે પણ નથી ચાલી. જે ચાલે છે એ હિસાબથી અમે લોકો કામ કરીએ છીએ.

n  ગજ્જર નીલેશ 

Read More

aakanksha solanki

gujjuartist04.blogspot.com

પહેલી જ ફિલ્મમાં સાઈઠ ફૂટ ઊંચાઈ પર લટકી આકાંક્ષા સોલંકી

    

    ગુજરાતી ફિલ્મોમાં બિનગુજરાતી હિરોઈનોનું વર્ચસ્વ કદાચ નવું નથી. શરૂઆતથી જુઓ તો પણ પહેલા બિનગુજરાતી અભિનેત્રીઓએ ગુજરાતી ફિલ્મો પર પોતાના અદભુત અભિનય દ્વારા લાખો ચાહકોને ઘેલા કર્યા હતા. જેમાં સ્નેહલતા થી માંડીને હાલની ગ્લેમરસ દરેક બિનગુજરાતી અભિનેત્રીઓનો સમાવેશ થઇ જાય. જેમાં હવે આવનારી એક ફિલ્મ ‘લવ યુ યાર’ થી વધુ એક નામ ઉમેરાવા જઈ રહ્યું છે. આમ તો આ અભિનેત્રી અભિનયમાં પારંગત હતી જ પરંતુ તેની મમ્મી સોનિયા સોલંકી પણ એક અભિનેત્રી છે તેથી અભિનયનો શોખ તો નાનપણથી જ હતો. બસ જરૂર હતી એક લાજવાબ ચાન્સની. જે તેને હીરાલાલ ખત્રી દિગ્દર્શિત ‘લવ યુ યાર’ થકી મળી ગયો. આ અભિનેત્રીનું નામ આકાંક્ષા સોલંકી છે જેણે શરૂઆત તો મોડેલીંગથી કરી હતી પણ અભિનયનો શોખ અંદરને અંદર હતો જ. ત્યારે અચાનક એક દિવસ એક ફિલ્મ માટે તેને બોલાવવામાં આવી અને તેનો લૂક જોઇને પસંદ પણ કરી લેવામાં આવી. પ્રથમ ફિલ્મમાં મળેલા આ રોલથી તે ખૂબ જ ખુશ છે. તેનું કહેવું છે કે હું મારી રીઅલ લાઈફમાં જેવી છું તેવું પાત્ર જ મને મારી પહેલી ફિલ્મમાં ભજવવા મળ્યું છે. જે સમાજના અસામાજિક તત્વો દ્વારા દેશના અર્થતંત્રને નશાકારક વસ્તુઓથી ખોખલું કરવામાં આવી રહ્યું છે તેની સામે લડાઈ લડતી યંગસ્ટર્સનો રોલ ભજવી રહી છે. આમ તો આકાંક્ષા સોલંકીએ આ ફિલ્મમાં સ્ટંટ પણ કર્યો છે જે લાંબા સમય બાદ એક હિરોઈન સ્ટંટ કરતી જોવા મળશે અને એ પણ સાઈઠ ફૂટ ઊંચાઈ પર લટકીને. તેનું કહેવું છે કે મારે એક્શન ફિલ્મો જ કરવી છે પણ મોટી તકલીફ એ છે કે અહીં ગુજરાતમાં અભિનેત્રીઓને ધ્યાનમાં લઈને એક્શન ફિલ્મો બહુ ઓછી બંને છે. પણ મને વિશ્વાસ છે કે બનશે જ. આગળના ઘણા દરવાજા ખુલ્લા છે જેમાં હિન્દી ફિલ્મોમાં પણ એમની તૈયારી હાલ ચાલુ છે.

પ્ર -  પ્રથમ ફિલ્મનો અનુભવ કેવો રહ્યો ?

ઉ – મને શરૂઆતમાં ડર હતો કે કેમેરા સામે અભિનય બરાબર થશે કે નહિ ? પણ મને મારા ડિરેક્ટર અને સાથી કલાકારોએ આ બાબતે ખૂબ જ મદદ કરી. તેઓને લીધે મારો આત્મવિશ્વાસ વધ્યો, એમણે મને મનોબળ પૂરું પાડ્યું તેથી હું આટલી સારી એક્ટિંગ કરી શકી. ફિલ્મના ડિરેક્ટર હીરાલાલજીએ પણ એક્ટિંગમાં મને ઘણું માર્ગદર્શન આપ્યું અને ફિલ્મના નિર્માતા પ્રભુભાઈ સોલંકીએ દરેક કલાકારને કહેલું કે તમે તમારું બેસ્ટ પર્ફોમન્સ આપો. અમને સેટ પર એકદમ ખુલ્લું વાતાવરણ આપવામાં આવ્યું હતું કે જેવી રીતે કામ થાય તેમ. તમે અભિનય પર પૂરતું ધ્યાન આપશો તો ફિલ્મને પચાસ ટકા સફળતા મળી જ જાય છે.

n  ગજ્જર નીલેશ

Read More

harshad joshi

gujjuartist04.blogspot.com

‘તારક મહેતાકા ઉલ્ટા ચશ્માં’ ના મેઈન ડિરેક્ટર હર્ષદ જોશી જેમની શરૂઆતથી આત્યાર સુધીનો સંઘર્ષ

જીવન મંત્ર – નજર બદલાશે તો દુનિયા બદલાશે

ટેલીવિઝન ક્ષેત્રે અને એ પણ હિન્દી સીરીયલ્સ પર જો ગુજરાતીઓનું જ એકચક્રી શાસન હોય અને જે સીરીયલ સંપૂર્ણપણે ગુજરાતી કલ્ચર પર જ આધારિત હોય એવી સીરીયલ કઈ ? તો તરત યાદ આવે નિર્માતા આસિત મોદીની પારિવારિક સીરીયલ ‘તારક મહેતાકા ઉલ્ટા ચશ્માં’. જે સીરીયલે અનેક રેકોર્ડ બ્રેક કરી દીધા છે. લોકોના દિલમાં પણ અને દિમાગમાં પણ. તેમાં આવતી વિવિધ વાર્તાઓ રસપ્રદ અને કોમિક રીતે રજૂ થાય છે જેનું શ્રેય તેના દિગ્દર્શક હર્ષદ જોશીને જાય છે. તેઓ આ સીરીયલ સાથે પહેલાથી જ જોડાયેલા છે. સ્વભાવ પણ સારો છે એટલે દિગ્દર્શન કબીલ એ દાદ કરી જાણે છે. તેમની સાથે મુલાકાત થઇ તો તેમના વિષે વધુ જાણવાનો મોકો મળ્યો. આવો જાણીએ તેમના અભિનય અને દિગ્દર્શનની કેરિયર વિષે. તેમની શરૂઆત તો નાટકોમાં બેકસ્ટેજથી લઇ તમામ પાસાઓની જાણકારી ૧૦ વર્ષ સુધી કામ કરીને લીધી. ત્યારબાદ હિન્દી ફિલ્મોના ખ્યાતનામ ગુજરાતી દિગ્દર્શક વિપુલ અમૃતલાલ શાહના આસીસ્ટન્ટ તરીકે થોડો સમય કામ કર્યું. એ સાથે મૂળ મહુવાના વાતની અને બોલીવૂડ એક્ટ્રેસ આશા પારેખ સાથે પણ આસીસ્ટન્ટ તરીકે તેમને પ્રથમ સીરીયલ ‘અખંડ સૌભાગ્યવતી’ કરવા મળી.

પ્ર – તમે અભિનય કરતા હતા તો ડિરેક્શનમાં કરી રીતે આવ્યા ?

ઉ – હું નાટકોમાં અભિનય કરતો હતો ત્યારે મારૂ ધ્યાન મારા અભિનયની સાથે સાથે તેના ડિરેક્ટર પર પણ હતું. કે તેઓ કઈ રીતે ડિરેક્શન કરે છે, તેની મૂવમેન્ટ હું સ્ટડી કરતો. મારી આ કામ પ્રત્યેની ધગશ જોઇને ડિરેક્ટરે કહ્યું કે તારૂ માઈન્ડ ડિરેક્શન તરફ વાળ. તેમાં તને ચોક્કસ સફળતા મળશે. એટલે મેં અભિનય કરતા કરતા ડિરેક્શન પણ કરવાનું ધીરે ધીરે ચાલુ કર્યું. અને મને લાગ્યું કે મારે હવે કેરિયર ડિરેક્શનમાં જ બનાવવી છે. દિગ્દર્શક તરીકે હું કલાકારને કહી શકું છું કે ડાયલોગ્ઝમાં ક્યાં આરોહ – અવરોહ હોવો જરૂરી છે અને કલાકારને શું પ્રોબ્લેમ છે તે હું તરત જાની શકું છું. જો અભિનેતા હોત તો હું તે ન કરી શકત. આસીસ્ટન્ટ રહ્યાનો મારો અનુભવ છે એટલે કલાકાર માટે આવા પ્રોબ્લેમ્સ હું ઇઝી કરી દઉં છુ જેથી એ કલાકાર એની કળા સરળતાથી પડદા પર કરી શકે.

પ્ર – ‘તારક મહેતા.....’ કેવી રીતે મળી ?

ઉ – મને આસિતભાઈ મોદીએ ફોન કરીને બોલાવ્યો ત્યારે હું ઓલરેડી ‘નીલા ટેલીફિલ્મ્સ’ ની જ ‘ક્રિશ્નાબેન ખાખરાવાલા’ ડિરેક્ટ કરતો જ હતો. ત્યારે તેમને મારૂ કામ જોઇને લાગેલું કે ‘તારક મહેતા.....’ માં એક સારા ડિરેક્ટરની જરૂર છે એટલે એમણે મને બોલાવી અને ‘તારક મહેતાકા ઉલ્ટા ચશ્માં’ નું દિગ્દર્શન સોંપ્યું. જે આજ સુધી એટલે છેલ્લા સાત વરસથી મેઈન ડિરેક્ટર તરીકે ફરજ બજાવું છુ.

પ્ર – ડેઈલી સોપ સિરીયલને લીધે ફેમીલી માટે સમય કેવી રીતે આપો છો ?

ઉ – આમ જોવા જઈએ તો અમારી સીરીયલ અઠવાડિયામાં પાંચ વાર ટેલીકાસ્ટ થાય છે જેથી ફેમીલી માટે બહુ ઓછો સમય આપી શકું છું જયારે કોઈ ફેમીલી ફંક્શન ચુકાઈ જાય ત્યારે ઘણું દુઃખ થાય છે પણ સાથે જ મારા કામની દર્શકો દ્વારા પ્રશંસા થતા એ બધું ભુલાઈ જાય છે. મને ખુશી એ પણ છે કે આટલા વરસથી સૌ સાથે કામ કરીએ છીએ એટલે એક પરિવાર જેવું લાગે છે. અહીં દરેક ધર્મના તહેવાર ઉજવીએ છીએ, દરેક લોકોને પ્રેમ કરીએ છીએ. સાથે રહીએ, રમીએ, નાચીએ, ગાઈએ એટલે કોઈ બીજો અફસોસ નથી રહી જતો.

પ્ર – નિર્માતા આસિત મોદી સાથે કામ કરતા કેવું લાગે છે ?

ઉ – ‘તારક મહેતા.....’ સીરીયલ માટે મને આસિતભાઈ મોદીએ મેઈન ડિરેક્શન સોંપ્યું જેના માટે હું એમનો હંમેશા આભારી રહીશ. સીરીયલ નો ડાઉટ હીટ જ હતી મારા આવ્યા પહેલા પણ. પરંતુ એ વસ્તુની ટકાવી રાખવી તે મહત્વની વાત છે. તેનું જતન કરવું મારા માટે મારૂ લક્ષ્ય છે. એમણે મને જે જવાબદારી આપી એને હું પૂરી નિષ્ઠાથી નિભાવી જાણું બસ એ જ મારૂ કામ છે. તમે ઘણી સીરીયલ્સ જોતા હશે કે શરૂઆત ધમાકેદાર હોય છે પણ તેની લોકપ્રિયતા ધીમે ધીમે ઓછી થતી જાય છે, જયારે અમારી સીરીયલને પહેલા જેટલા દર્શકો મળતા હતા એના કરતા વધુ દર્શકો અત્યારે મળી રહ્યા છે સાથે સાથે દર્શકોનો પ્રેમ પણ એટલો મળે છે કે કોઈ કલાકાર અન્ય શહેરમાં જાય તો લોકો તેને તેના રીઅલ નામથી નહિ પણ અમારી સીરીયલના નામથી જ બોલાવે છે.

પ્ર – ગુજરાતી ફિલ્મો ડિરેક્ટ કરશો ?

ઉ – ગુજરાતી ફિલ્મોનો પહેલા કપરો સમય હતો કે જેમ મરાઠી ફિલ્મો કે અન્ય પ્રાદેશિક ભાષાની ફિલ્મો સારી બનીને અધધ કમાણી કરી રહી છે તો તેવું ગુજરાતી ફિલ્મોમાં ક્યારે થશે. હવે ગુજરાતી ફિલ્મોનો સારો દોર ચાલી રહ્યો છે. જેમ દક્ષિણની ફિલ્મો બંને છે એવી ગુજરાતી ફિલ્મો નવા નવા ડિરેક્ટર્સ બનાવશે અને નવા નવા જે અભિનેતા અભિનેત્રીઓ આવી રહ્યા છે એટલે લોકોનો પ્રતિસાદ મળી રહ્યો છે. હવે ગુજરાતી ફિલ્મો હિન્દી ફિલ્મોને ટક્કર આપે એવી બની રહી છે. મારી પાસે બે ત્રણ સારા ગુજરાતી ફિલ્મો માટેના કોન્સેપ્ટ છે જેના પર હું ફોકસ કરી રહ્યો છું. મારો પણ વિચાર છે કે એક સારી ગુજરાતી ફિલ્મ ડિરેક્ટ કરું.   

n  ગજ્જર નીલેશ 

Read More