amu aadivasi

gujjuartist04.blogspot.com

Amu aadivasi

Read More

chandra barot

gujjuartist04.blogspot.com

મરણપથારીએ છે 'ડોન'ના આ ગુજરાતી ડિરેક્ટર, અમિતાભ બચ્ચન છે અજાણ

'ડોન કો પકડના મુશ્કિલ હી નામુમકિન હૈં...' આ સંવાદ જ્યારે પણ કાને પડે એટલે તરત જ અમિતાભ બચ્ચનની એન્ગી યંગમેનની ઈમેજ આંખ આગળ ઉભી થઈ જાય છે. આ ફિલ્મમાં અમિતાભ બચ્ચને ડોનની ભૂમિકા ભજવી હતી. આ ફિલ્મના ડિરેક્ટર ગુજરાતી એવા ચંદ્ર બારોટ છે. ચંદ્ર બારોટની આ ફિલ્મ અમિતાભની સફળ ફિલ્મ્સમાંની એક હતી. તાજેતરમાં જ ચંદ્ર બારોટ સાથે એક્સક્લૂઝિવ વાતચીત કરી હતી.

ફિલ્મ માટે બિગ બીને મળ્યો એવોર્ડઃ
'ડોન' ફિલ્મ માટે અમિતાભ બચ્ચનને બેસ્ટ એક્ટરનો એવોર્ડ પણ મળ્યો છે. જોકે, 'ડોન' બાદ ક્યારેય ચંદ્ર બારોટ તથા અમિતાભ બચ્ચને કોઈ ફિલ્મમાં સાથે કામ કર્યું હતું. અમિતાભના ૭૫માં જન્મદિવસ પર ચંદ્ર બારોટે એક્ટરને શુભકામના પાઠવી છે પરંતુ દુઃખની વાત એ છે કે ચંદ્ર બારોટની તબિયત ઘણી ખરાબ છે.

ચાર-પાંચ વર્ષથી બીમારઃ
ચંદ્ર બારોટે કહ્યું હતું કે તેઓ છેલ્લાં ચાર પાંચ વર્ષથી લંગ સોરાયસિસથી પીડાય છે. આની સારવાર ચાલે છે પરંતુ ડોક્ટર્સે કહ્યું હતું કે આ ગંભીર બીમારી છે.

બોલિવૂડમાં નથી કોઈને ખબરઃ
નવાઈની વાત એ છે કે 'ડોન' જેવી સુપરહિટ ફિલ્મ આપનાર ચંદ્ર બારોટની પરિસ્થિતિથી બોલિવૂડ સાવ અજાણ છે. ચંદ્રે કહ્યું હતું કે તેની પત્ની તથા પુત્ર અક્ષાન ઘણી જ સારી રીતે સારવાર અને દેખરેખ રાખે છે. તેથી જ તેમણે શા માટે બોલિવૂડમાં આની જાહેરાત કરવી જોઈએ. લોકોને જ્યારે જાણ થશે ત્યારે ફોન કરશે અથવા તો ઘરે આવીને દયા ખાશે. તેમને આવી વાતો પસંદ નથી. આ તેમની લડાઈ છે અને તે એકલા જ લડશે. ચાહકો તરફથી ઘણો જ પ્રેમ તથા સપોર્ટ મળ્યો છે. ભગવાન ઈચ્છશે, ત્યાં સુધી જીવશે.

જયા બચ્ચનને છે ખબરઃ
બોલિવૂડમાં ચંદ્ર બારોટની બીમારી અંગે કોઈને જાણ નથી પરંતુ એક વ્યક્તિ છે, જેને તેમની તબિયત અંગે ખબર છે અને તે છે જયા બચ્ચન. ચંદ્ર બારોટે કહ્યું હતું કે બચ્ચન અને બારોટના સંબંધો પરિવાર જેવા છે. અલબત્ત, અમિત(અમિતાભ) અને તેમણે ક્યારેય 'ડોન' પછી સાથે કામ નથી કર્યું. જોકે, અંગત જીવનમાં તેમના ઘણાં જ સારા સંબંધો છે. ચંદ્ર બારોટે પોતાની બીમારીની વાત જયા બચ્ચને કરી હતી. જયા બચ્ચને જ બ્રિચ કેન્ડી હોસ્પિટલના ડૉ. ઝરીર ઉદવાડિયા પાસે ટ્રિટમેન્ટ લેવાની વાત કરી હતી.

ડૉ. ઝરીરના પિતાએ બિગ બીની કરી હતી સારવારઃ

ડૉ. ઝરીરના પિતા ડૉ. ફારૂક ઉદવાડિયાએ જ બિગ બીની સારવાર કરી હતી. 'કૂલી' સમયે અમિતાભ બચ્ચનને જે ગંભીર અકસ્માત થયો હતો, ત્યારે બ્રિચ કેન્ડી હોસ્પિટલમાં ડૉ. ફારૂક ઉદવાડિયાએ જ બિગ બીની સારવાર કરી હતી.

ઓક્સિજન માસ્ક સાથેઃ
ચંદ્ર બારોટની તબિયત એ હદે ખરાબ છે કે તેઓ ૨૪ કલાક ઓક્સિજન સિલિન્ડર તથા માસ્ક સાથે જ રહે છે. તેમના ફેફસા ઘણાં જ નબળા પડી ગયા છે. ડૉ. ઝરીર ચેસ્ટ સ્પેશ્યાલિસ્ટ છે અને તે સારવાર કરે છે.

દર દિવાળીએ મળે છેઃ
ચંદ્ર બારોટે કહ્યું હતું કે દર દિવાળીએ અમિતાભ બચ્ચન પાર્ટી આપે છે. તે આઠ-દસ મિત્રો સાથે આ પાર્ટીમાં જાય છે. આ વર્ષે ઐશ્વર્યા રાય બચ્ચનના પિતાના અવસાનના શોકને કારણે દિવાળી પાર્ટી આપવાના નથી.

તાન્ઝાનિયામાં જન્મઃ
ચંદ્ર બારોટનો જન્મ તાન્ઝિયામાં થયો છે અને તે ત્યાંની Barclay બેંકમાં કામ કરતાં હતાં. જોકે, ૧૯૬૭માં તેમણે દેશ છોડવો પડ્યો હતો અને તેમણે લંડનમાં સેટલ થવાનું નક્કી કર્યું હતું. જોકે, લંડનમાં સેટલ થતા પહેલાં તે ભારતમાં રહેતી પોતાની બહેન કમલ બારોટને મળવા આવ્યાં હતાં. કમલ બારોટ બોલિવૂડમાં પ્લેબેક સિંગર હતાં. ભારતમાં આવીને ચંદ્ર બારોટ સંગીતકાર કલ્યાણજી-આનંદજીને મળ્યાં હતાં. તેમણે ચંદ્ર બારોટની મુલાકાત મનોજ કુમાર સાથે કરાવી હતી.

મનોજકુમાર બનાવતાં હતાં 'ઉપકાર':
આ સમયે મનોજકુમાર ફિલ્મ 'ઉપકાર'ને ફાઈનલ ટચ આપતાં હતાં. ફિલ્મમાં રહેલી એક ભૂલની જાણ ચંદ્ર બારોટે મનોજકુમારને કહી હતી. મનોજકુમારને લાગ્યું કે ચંદ્ર સારો ડિરેક્ટર બની શકે છે. તેમણે ચંદ્ર બારોટને પોતાની સાથે કામ કરવાની ઓફર કરી હતી. જોકે, ચંદ્ર બારોટ લંડન સેટલ થવા માંગતાં હતાં અને તે લંડન જતા રહ્યાં. જોકે, લંડનમાં કોઈ મેળ ના પડતાં તેમણે મનોજકુમારને ફોન કર્યો હતો અને પૂછ્યું કે તેમના માટે હવે કોઈ તક છે. તેઓ મનોજ કુમારની સાથે આસિસ્ટન્ટ તરીકે મહિને ૪૫૦ રૂપિયાની નોકરીએ જોડાયા હતાં. મનોજ કુમારની સાથે તેમણે 'પૂરબ ઔર પશ્ચિમ', 'રોટી કપડાં ઔર મકાન' તથા 'શોર' જેવી ફિલ્મ્સ કરી હતી.

આમ થઈ તેજી બચ્ચન સાથે મુલાકાતઃ
'ઉપકાર'ના સોંગ 'મેરે દેશ કી ધરતી..'ને નેશનલ એવોર્ડ મળ્યો હતો. આ એવોર્ડ લેવા માટે સિંગર મહેન્દ્ર કપૂર તથા ચંદ્ર બારોટ દિલ્હી ગયા હતાં. નેશનલ એવોર્ડની જ્યૂરમાં તેજી બચ્ચન પણ હતાં. તેજી બચ્ચને ચંદ્ર બારોટને કહ્યું હતું કે તેમનો મુન્ના(અમિતાભ બચ્ચન) હવે ફિલ્મ્સમાં આવવાનો છે તો તે તેમનું ધ્યાન રાખે.

'ડોન' પછી એક પણ ફિલ્મ ના બનાવીઃ
ચંદ્ર બારોટે કહ્યું હતું કે 'ડોન' બાદ તેમણે અલગ-અલગ ફિલ્મ્સ બનાવવાની શરૂઆત કરી હતી પરંતુ તેમના નસીબમાં તે નહોતું. તેમણે દિલીપકુમાર તથા સાયરાબાનુ સાથે 'માસ્ટર' ફિલ્મ બનાવી હતી. જોકે, આ જ સમયે દિલીપે 'ક્રાંતિ' તથા 'શક્તિ'માં કેરેક્ટર રોલ કરવાની શરૂઆત કરી હતી. ફાઈનાન્સર્સને એમ લાગ્યું કે હવે દિલીપ કુમાર ઝાડ ફરતે સોંગ્સ ગાય તો એ ચાલે નહીં. તેથી ફિલ્મ બની શકી નહીં. ત્યારબાદ 'તિતલી' ફિલ્મ સારિકા સાથે બનાવી. જોકે, આ સમયે સારિકાએ લગ્ન કરીને ઘર વસાવવાનો નિર્ણય કરી લીધો. તેથી આ ફિલ્મ પણ બની જ નહીં. ત્યારબાદ મલ્ટી સ્ટારર ફિલ્મ 'લોર્ડ ક્રિષ્ના' બનાવવાનું શરૂ કર્યું. અલબત્ત, ફિલ્મના પ્રોડ્યુસર સત્તી સૌરીની દીકરી મોનાએ બોની કપૂર સાથે લગ્ન કરી લેતા સત્તી સૌરીને ફિલ્મ પ્રોડ્યુસ કરવામાં કોઈ રસ રહ્યો નહીં. ચંદ્ર બારોટે બંગાળી ફિલ્મ બનાવી હતી. ત્યારબાદ વિનોદ ખન્ના, જયપ્રદા તથા ડેની સાથે 'બોસ' બનાવી. તે પૂરી પણ થઈ ગઈ અને ૨૦૦૩માં સેન્સર બોર્ડે પાસ પણ કરી દીધી હતી પરંતુ તે ક્યારેય રીલિઝ થઈ શકી નહીં. હવે, આ ફિલ્મ સેટેલાઈટ ચેનલ્સ પર બતાવવામાં આવે તેવી શક્યતા છે. ૨૦૧૧માં 'હમ બાજા બજા દેંગે'ની શરૂઆત કરી હતી. આ ફિલ્મના પ્રોડ્યુસર અનુપ જલોટા હતાં અને ફિલ્મમાં જેકી શ્રોફ હતો. જોકે, આ ફિલ્મ પણ બની શકી નહીં.

૨૫ લાખમાં બની હતી 'ડોન':
'ડોન' ૨૫ લાખમાં બની હતી. પ્રોડ્યુસર નરીમાન ઈરાનીના મોત બાદ માંડ-માંડ ફિલ્મનું શૂટિંગ પૂરું કર્યું હતું. પ્રમોશન માટે કોઈ જ પૈસા રહ્યાં નહોતાં. જ્યારે ફિલ્મ હિટ રહી ત્યારે નરીમાનની પત્ની સલમા ઈરાનીને પૈસા આપ્યાં હતાં, જેથી તે પતિનું દેવું ભરપાઈ કરી શકે. તે સમયે 'ડોન' માત્ર ૧૨૦ પ્રિન્ટ્સમાં રીલિઝ થઈ હતી. આજે તો ચારથી પાંચ હજાર સ્ક્રિન્સમાં રીલિઝ થાય છે. 

Read More

kundan shah

gujjuartist04.blogspot.com

યારો યારો વડે બનાવેલી ફિલ્મ ‘જાને ભી દો યારો’ ના ગુજરાતી ડિરેક્ટર કુંદન શાહનું નિધન 
મૂળ ગુજરાતી અને એક સમયના ધુરંધર ફિલ્મ ડિરેક્ટર એવા કુંદન શાહનું ૬૯ વર્ષની વયે અવસાન થઈ ગયું છે. તેમના એક સંબંધી મુજબ, 'તેમનું સવારે ઉંઘમાં જ નિધન થયું છે. ' ફિલ્મ એક્ટર સતીશ શાહ મુજબ, તેમનું અવસાન હ્રદયરોગના હુમલાને કારણે થયું છે. આ દુખદ ઘટના પર તેમની ફિલ્મી કારકિર્દી અને જીવન ઝરમર જોઈએ.

૧૯-૧૦-૧૯૪૭ ના રોજ એડનમાં જન્મેલા કુંદન શાહ લો-પ્રોફાઈલ ફિલ્મકાર તરીકે જાણીતા હતા. ‘જાને ભી દો યારો’ જેવી ટ્રેન્ડસેન્ટર કોમેડી ફિલ્મ આપવા છતાં ટ્રેન્ડસેન્ટરનો ભાર ખભે રાખી ફરતા નહિ અને ‘કભી હા કભી ના’ અને ‘ક્યા કહેના’ જેવી ‘હટકે’ કહેવાય તેવી કમર્શિયલ ફિલ્મો આપ્યા પછી પણ ડાઉન ટુ અર્થ રહીને કામ કર્યા જ કરતા હતા.

હિન્દી ફિલ્મ ઉદ્યોગમાં કેટલાક ગુજરાતી દિગ્દર્શકો એવા છે જેઓ જાણે કે તેમને કોઈ જ ખોટી ઉતાવળ નથી. બાકી તમે જ કહો ‘જાને ભી દો યારો’ અને ‘ક્યા કહેના’ જેવા વિષયની દ્રષ્ટીએ જુદી અને તોય ખૂબ સફળ ફિલ્મોના દિગ્દર્શક કુંદન શાહને તેમના નામ પ્રમાણે કેટલા ચમકતા જોયેલા ? જેમનો ચહેરો ય સાવ સાદો, મધ્યમવર્ગીય ઓળખવાળો હતા રસ્તે મળે તો તમે જરાય ન કહી શકો કે તે જાણીતી ફિલ્મો અને ટીવી સીરીયલોના દિગ્દર્શક હશે. કુંદન ચમકતા હતા પોતાની ફિલ્મોથી. આજે નાના બજેટની ફિલ્મોનો દોર શરૂ થયાનું લોકો કહે છે કે જેમાં મનોરંજન સાથે બોધ પણ સમાયો હોય. એવી ફિલ્મોના ટ્રેન્ડસેન્ટરમાં ખરેખર તો કુંદન શાહ, મિર્ઝા બંધુઓ અને ટે પહેલા બાસુ ચેટરજી, ઋષીકેશ મુખર્જી, ગુલઝાર વગેરે કહી શકાય. કુંદન શાહ પોતાના પર ટ્રેન્ડસેન્ટરનો ભાર રાખે એવા નહોતા છતાં આપણને એ જાણીને નવાઈ લાગી શકે કે, ૧૯૮૩ ની ‘જાને ભી દો યારો’ તેમની પહેલી જ ફિલ્મ હતી અને તોય ટે એક મેચ્યોર કોમેડી ફિલ્મ હતી. પહેલી જ ફિલ્મમાં તેમણે ફોર્મ્યુલાને નકારી કાઢી હતી. બાકી બીઝનેસમેનનો દીકરો અને વળી કોમર્સમાં ગ્રેજ્યુએટ હોય તે ફોર્મ્યુલાને નકારવામાં જોખમ જ જુએ. એ ફિલ્મ બનાવી ત્યારે તેઓ ઉંમરની ત્રીસી પણ પાર કરી ચુક્યા હતા. ૧૯-૧૦-૧૯૪૭ માં એડનમાં જન્મેલા કુંદન શાહને આમ તો નાટકોનો ય શોખ ન હતો. હા, સાહિત્ય ખૂબ વાંચતા એટલે રૂચી જરૂર ઘડાયેલી. ગ્રેજ્યુએશન પછી તેમણે મુંબઈના પોપ્યુલર પ્રકાશનમાં ય એટલા માટે તો નોકરી કરેલી કે પુસ્તકોની સાથે રહી શકાય. એ દિવસોમાં જ ત્રણ ભાઈ અને બે બહેનોવાળા કુંદનભાઈએ પુણે ફિલ્મ ઇન્સ્ટીટયુટમાં કોઈ ખાસ પૂર્વયોજના વિના જ દિગ્દ

ર્શક તરીકેની ટ્રેનીંગ માટે અરજી કરી દીધી. અરજી મંજુર થઇ ત્યારે પણ ‘બગડશે તો ત્રણ વર્ષ બગડશે’ એવા વિચારથી જ પ્રશિક્ષણ શરૂ કર્યું. એ ત્રણ વર્ષ પ્રશિક્ષણ લીધા પછીય બીજા વર્ષો બગડશે એવી દહેશત જેમની તેમ હતી.

કોઈ દિગ્દર્શકના સહાયક બની રહેવામાં સાર ન હતો. પુણે ફિલ્મ ઇન્સ્ટીટયુટમાં શીખેલાને કોમર્શીયલ ફિલ્મોના દિગ્દર્શક ઝટ અપનાવે નહિ અને શ્યામ બેનેગલ, ગોવિંદ નિહલાની પાસે પૂરતા સહાયકો હોય તો જવું ક્યાં ? કુંદન શાહે પુણેથી મુંબઈ વાયા હૈદરાબાદનો રસ્તો પસંદ કર્યો. ત્યાં દોઢેક વર્ષ રહી એવી એડ ફિલ્મો બનાવી જેમાં સ્થાનિક નગરજનોને સંદેશો આપવાનો હોય. પણ હૈદરાબાદ બહુ ટકી ન શકાય તેથી મુંબઈ આવી સઈદ અને અઝીઝ મિર્ઝાના સહાયક થયા. ‘અરવિંદ દેસાઈકી અજીબ દાસ્તાન’ અને ‘આલ્બર્ટ પિન્ટો કો ગુસ્સા કયું આતા હૈ’ માં સહાયક રહ્યા પછી સ્મિતા પાટીલ અભિનીત ‘ચક્ર’ વેળા દિગ્દર્શક રોબીન ધર્મરાજ અને ત્યારબાદ પુણેની ઇન્સ્ટીટયુટમાં જ પ્રશિક્ષણ પામેલા વિધુ વિનોદ ચોપરાની ‘સજા-એ-મૌત’ માં ય તેમણે સહાયક તરીકે કામ કર્યું. ખરેખર તો આ બધા જ નવા હતા ને એકબીજાથી શીખતા હતા. કુંદન શાહને લેખનનો

શોખ તો હતો જ. ‘આલ્બર્ટ પિન્ટો.....’ ની વાર્તા તેમની જ હતી. એ દરમિયાન જ તેમણે ‘જાને ભી દો યારો’ ની વાર્તા-પટકથા લખી અને ફિલ્મ ફાઈનાન્સ કોર્પોરેશને પ્રથમવાર જ યોજેલી પટકથા સ્પર્ધા માટે મોકલી દીધી. ત્રીજું ઇનામ મળ્યું પછી એ કોર્પોરેશને જ ફિલ્મ બનાવવાનું કહ્યું. ફિલ્મનું બજેટ હતું સાત લાખનું. કુંદન શાહે તેમાં લગભગ એવા જ કલાકારો લીધા જે કારકિર્દીના આરંભે હોય. નસીરુદ્દીન શાહ, ઓમ પૂરી તો થોડાક જાણીતા થયા હતા, પરંતુ ભક્તિ બર્વે, સતીશ શાહ, રવિ બાસવાની, પંકજ કપૂર, સતીશ કૌશિક, દીપક કાઝીર, રાજેશ પૂરી નવા જ હતા. આ ઉપરાંત વિધુ વિનોદ ચોપરાએ પણ આ ફિલ્મમાં અભિનય કર્યો. કુંદન શાહે ફિલ્મના પાત્રોને જે નામ આપેલા ટે પણ એકબીજાના ખરેખરા નામો બીજાને આપ્યા જેવું હતું. જેમકે, ‘જાને ભી દો યારો’ માં નસીરનું નામ વિનોદ ચોપરા છે તો રવિ બાસવાનીનું નામ સુધીર મિશ્રા. સમજો કે યારો યારો વડે ‘જાને ભી દો યારો’ બની હતી. જો કે તે રજૂ થઇ ત્યારે તો ખૂબ સફળ રહી ન હતી. પરંતુ સમય જતા તે ખૂબ સફળ પુરવાર થઇ.

૧૯૮૩ માં રજૂ થયેલી ‘જાને ભી દો યારો’ પછી પૂરા દસ વર્ષે ‘કભી હા કભી ના’ ફિલ્મ આવી. જો કે એ વર્ષો ખાલી નહોતા. ‘જાને ભી દો યારો’ ને દિગ્દર્શકની પ્રથમ શ્રેષ્ઠ ફિલ્મનો ઇન્દિરા ગાંધી એવોર્ડ મળ્યો. એ નિમિત્તે દિલ્હી ગયા ત્યારે દૂરદર્શને ટીવી સીરીયલ બનાવવાનું કહ્યું અને યહ જો હૈ જીંદગી, નુક્કડ અને ત્યારબાદ મનોરંજન, ઇન્તેઝાર, સર્કસના કેટલાક એપિસોડ પછી વાગલે કી દુનિયા, મેં અભી જવાન હું અને મીસીસ માધુરી દીક્ષિત સહિતની સીરીયલોનું દિગ્દર્શન અને ઘણામાં લેખન પણ કર્યું. આ બધી સીરીયલો પણ કોઈ ફોર્મ્યુલાવળી ન હતી. એકસાથે ઘણાબધા પાત્રોને ભેગા કરી તેમની પરિસ્થિતિ અને ચરિત્રગત વિશેષતાથી રચાતા સંબંધોનો જાદુ જ તેમાં હતો. બીજી ખાસ વાત એ એવી કે તે બધી જીવનની સાહજીકતા ધરાવતી હતી અને ફિલ્મીપણાને door રાખતી હતી. આ સીરીયલો વડે જાણે ફિલ્મી વ્યવસાયિકતા અને ફોર્મ્યુલાથી પણ તેઓ બચીને રહ્યા. એ સીરીયલોમાં શાહરૂખ ખાનને ચમકાવવામાં પણ તેઓ એક હતા અને તે સંબંધે ૧૯૯૩ માં ‘કભી હા કભી ના’ બનાવી. એ હળવી મ્યુઝીકલ ફિલ્મ હતી અને કુંદન શાહ જેવા માટે મોંઘી કહેવાય તેવી ય હતી કારણ કે એંસી લાખમાં બની હતી. એ ફિલ્મને શાહરૂખે જ વિનસના ગણેશ જૈનની ભાગીદારીમાં રીલીઝ કરી હતી. આ ફિલ્મનું સંગીત જે કંપનીએ ખરીદ્યું તેણે કરોડો રૂપિયાની કમાણી કરી અને સંગીતકારને મારુતિ ૮૦૦ ભેટ આપી હતી.

કુંદન શાહ આક્રમકતા વિના કામ કરનારા દિગ્દર્શક તેથી વળી સાત વર્ષે ૨૦૦૦ ની સાલમાં ‘ક્યા કહેના’ આવી. હની ઈરાનીએ લખેલી એ ફિલ્મ આમ તો કુંવારી માતા જેવો વિષય ધરાવતી હતી. પરંતુ પૂરી સામાજિક પ્રતિબદ્ધતા સાથે સિનેમાના ધોરણો જાળવી તેમણે એટલી અસરકારકતા ઉભી કરી કે ફિલ્મ જબરદસ્ત સફળ રહી. પ્રીતિ ઝીંટાની પણ આ ફિલ્મથી નવી ઓળખ ઉભી થઇ. કુંદન શાહને ફિલ્મોમાં હંમેશા જાણીતા સ્ટાર્સ મળતા રહેલા પણ ‘કભી હા કભી ના’ અને ‘ક્યા કહેના’ તો જો કે સંજોગવશાત સ્ટાર્સવાળી ફિલ્મ કહી શકાય. મતલબ કે ફિલ્મ બનતી હતી ત્યારે નહિ. પરંતુ રજૂ થઇ ત્યારે શાહરૂખ, પ્રીતિ સ્ટાર હતા. પછી ‘હમ તો મોહબ્બત કરેગા’ માં બોબી દેઓલ, કરિશ્મા કપૂર, ‘દિલ હૈ તુમ્હારા’ માં રેખા, પ્રીતિ ઝીંટા, મહિમા ચૌધરી, ‘એક સે બઢકર એક’ (મૂળ નામ ‘કસમ સે’) માં સુનીલ શેટ્ટી, રવિના ટંડન, શેખર સુમન જેવા સ્ટાર્સ હતા. એ પહેલા અમિતાભની એ.બી.સી.એલ.માં ‘લવેરિયા’ બનાવી ત્યારે તેમાં કરિશ્મા, સૈફ અલી ખાન હતા. જે રજૂ નથી થઇ. આ બધી જ ફિલ્મો વાર્તા વિષયમાં નોખી પડતી હતી. પરંતુ તેને ઝાઝી સફળતા ન મળી. ‘દિલ હૈ તુમ્હારા’ તો રાજકુમાર સંતોષીની લખેલી ફિલ્મ છે.

કુંદનની નિષ્ફળ ફિલ્મો પણ વાર્તા-પટકથાની એક અસર સર્જી શકી છે કારણ કે તેઓ પોતે કથા-પટકથામાં સક્રિય રહેતા હતા. આલ્બર્ટ પિન્ટોકો ગુસ્સા કયું આતા હૈ, જાને ભી દો યારો, પછી કભી હા કભી ના અને દિલ હૈ તુમ્હારા ની કથા-પટકથા તેમની જ હતી. ‘કભી હા કભી ના’ ને ફિલ્મફેરનો શ્રેષ્ઠ ફિલ્મનો ક્રિટીક્સ એવોર્ડ મળેલો.

કુંદન શાહે સામાજિક જવાબદારી પણ પોતાની રીતે નિભાવી છે. પણ અહીં વાત તેમના પત્ની બકુલાબહેન અને બે દિકરીઓ સાથેના સંબંધની નથી. બલકે ફિલ્મ વડે તેઓ જે જવાબદારી અનુભવે છે તેની છે. ૨૦૦૫ માં તેમની ‘તીન બહેને’ નામની ફિલ્મ આવી હતી. ૨૪ દિવસમાં પૂરી કરેલી એ ફિલ્મ ૫૪ લાખમાં બની હતી. કાનપુરની ત્રણ સગી બહેનોએ એકસાથે એ માટે આપઘાત કર્યો હતો કે તેમના પિતા દહેજ આપી તેમને પરણાવી શકે તેમ ન હતા. પોતાની ફિલ્મોમાં હંમેશ સ્ત્રીભૂમિકાને કેન્દ્રમાં રાખવા મથતા કુંદન શાહ એ કિસ્સાથી હલબલી ગયેલા ને ફિલ્મ બનાવેલી. જો કે તે ફિલ્મ ચાલી નહિ. ત્યારબાદ સહારા મોશન પિક્ચર્સની તેમની ‘મુંબઈ કટિંગ’ રજૂ થઇ જે ખરેખર તો એપીસોડીક ફિલ્મ હતી. મતલબ કે, જુદી જુદી વાર્તા, જુદા જુદા અગિયાર દિગ્દર્શકો વડે ફિલ્માવાઈ હોય તેવી.

થોડા સમયમાં ‘જાને ભી દો યારો’ ની ફિલ્મ ફરી બનાવવાની તૈયારી તેઓ કરી રહ્યા હતા. જુદા કલાકારો અને વિષયમાં નવી તાજગી સાથે. હિન્દીના સુપ્રસિદ્ધ હાસ્યલેખક હરિશંકર પરસાંઈના લેખન પરથી દૂરદર્શન માટે સીરીયલ બનાવનાર કુંદન શાહ કોમેડી ફિલ્મ જરૂર બનાવતા હતા, પણ તેને તમે ડેવિડ ધવન પ્રકારની ફિલ્મો સાથે ન મૂકી શકો. વ્યંગ્યના ઘણા સ્તરો સિદ્ધ કરતી કુંદન શાહની ફિલ્મો રાજકારણ, સમાજકારણની ચિંતા પણ વણી લેતી હતી. ‘જાને ભી દો યારો’ આજે સિનેમા ક્લાસિકલ ગણાય છે. તે પણ ગરવા ગુજરાતી દિગ્દર્શક કુંદન શાહને કારણે.

 ગજ્જર નીલેશn

Read More

aaditya soni

gujjuartist04.blogspot.com

અમુક અંશે આ પાત્ર મારી વાસ્તવિક જીંદગી સાથે મળતું આવે છે : આદિત્ય સોની

   

ટૂંક સમયમાં ગુજરાતી એક મસ્ત મજાની ગુજરાતથી મુંબઈની સફર કરાવતી ફિલ્મ ‘ગુજરાત ટુ મુંબઈ’ રીલીઝ થશે. જેમાં યંગસ્ટર્સ એક જર્નીનું આયોજન કરે છે જેમાં પાંચ જેટલા લોકો છે. જે મુંબઈ ગયા પહેલા જ ત્યાં જઈને કેટલી અને કેવી મજા કરીશું. તેની વાતો કરતા થાકતા નથી. કાલીન્દીની દવે નિર્મિત દિગ્દર્શિત આ ફિલ્મે ખાસ્સો ઉત્સાહ યંગસ્ટર્સમાં જગાવ્યો છે કે ફિલ્મ ક્યારે રીલીઝ થાય. ફિલ્મમાં આદિત્ય સોની એક શ્રીમંત પિતાના સંતાનનું પાત્ર ભજવી રહ્યો છે. આમ તો આદિત્ય સોનીએ મુંબઈમાં રહીને ઘણી ફિલ્મ્સ અને ટીવી સીરીયલ્સ માટે ઓડીશન્સ આપેલા પરંતુ ત્યાની કામ કરવાની પદ્ધતિ તેમને ફાવી નહિ. આ પહેલા પણ તેઓ એક ગુજરાતી ફિલ્મ કરી ચુક્યા છે અને હવે તેઓ મહત્વના કહી શકાય એવા રોલમાં ‘ગુજરાત ટુ મુંબઈ’ માં જોવા મળશે. ફિલ્મમાં તેના પાત્ર વિશે પુછતા આદિત્યએ જણાવ્યું કે ફિલ્મમાં મારું પાત્ર તન્મય નામના યુવાનનું છે જે ગર્ભશ્રીમંત પરિવારથી આવતો હોય છે. જેને પૈસે ટકે કોઈ તાણ નથી. એકદમ મસ્ત મૌલા ટાઈપ જીવન જીવી રહેલો તન્મય કોલેજ લાઈફ ખૂબ એન્જોય કરતો હોય છે. અમુક ચાર પાંચ મિત્રો સાથે મુંબઈની ટૂર તન્મય જ ગોઠવે છે. મુંબઈ જઈને છાકટા બનતા યુવાનો માટે ફિલ્મના ડિરેક્ટરે સારો સંદેશ આ ફિલ્મથી આપ્યો છે જે તમે ફિલ્મ જોશો ત્યારે જણાશે.

પ્ર – ફિલ્મના નિર્માતા દિગ્દર્શક કાલીન્દીની દવે તથા સાથી કલાકારો સાથે કામ કરવાનો અનુભવ જણાવશો.

ઉ – મેં પહેલીવાર એક લેડીને પ્રોડ્યુસર, ડિરેક્ટર અને રાઈટર જોયા એમ કહું તો ચાલે. મુંબઈમાં આમ તો એકતા કપૂર છે પણ અમારા એકતા કપૂર કાલીન્દીની દવે જ છે. એમનો હું ખૂબ આભાર માનીશ કે એમણે મને તન્મયના પાત્ર માટે યોગ્ય સમજ્યો અને મારી અંદર એક એક્ટિંગનો કીડો હતો. જે મેં આ ફિલ્મથી મહેનત કરીને બતાવી આપીશ કે રોલ ગમે તેવો હોય પણ હું ક્યારેય ફિલ્મના નિર્માતા કે ડિરેક્ટરને નિરાશ નહિ કરું. મારા સાથી કલાકારોમાં શુટિંગના પહેલા દિવસથી જ હું અને વંશ ખૂબ સારા મિત્રો બની ગયા. અમારે એકસાથે જ રૂમ શેર કરીને રહ્યા એટલે અમારા સ્વભાવ મળતા આવતા હતા. ત્યારબાદ નીલેશ, પ્રેયસી, શચી જોશી વગેરે સાથે મુલાકાત થઇ. હું નવો હતો આ ગ્રુપમાં પણ કોઈએ મને એવું લાગવા નથી દીધું કે હું એકલો અલગ હોઉં. અમે બધા સાથે જ શુટિંગ ફ્લોર પર જતા અને શુટિંગ પત્યા પછી પણ સાથે બેસીને ફિલ્મ વિશે ચર્ચાઓ કરતા.

પ્ર – રીલ લાઈફમાં અને રીઅલ લાઈફમાં શું સામ્યતા છે ?

ઉ – ફિલ્મના પાત્રમાં હું એક અલગ જ અંદાઝથી પોતાનું જ ધાર્યું કરવાવાળો વ્યક્તિ છું અને રીઅલ લાઈફમાં પણ હું મને જે ગમે છે ટે જ કરવામાં માનું છું. તન્મય દર મહીને ગર્લફ્રેન્ડ બદલતો રહે છે અને છોકરીઓને બહુ ભાવ પણ નથી આપતો. આમાં હું રીઅલ લાઈફમાં પણ કોઈ છોકરીને તરત રીપ્લાય નથી કરતો. એટલે ઘણે અંશે આ પાત્ર મારા વાસ્તવિક જીવન સાથે મળતું આવે છે.

પ્ર – કેવા રોલ કરવા ગમે ?

ઉ – કલાકાર માટે દરેક રોલ એક ચેલેન્જ હોય છે અને હું મારી પહેલી ફિલ્મના પાત્રથી જ નક્કી કરીને ચાલી રહ્યો છું કે આ પાત્રને હું સારામાં સારો ન્યાય આપીને પડદા પર જીવંત કરી શકું. મને કોમેડી રોલ કરવા ગમશે અને સાથે સાથે મારી ઈચ્છા છે કે એક એક્શન ફિલ્મ પણ કરું. કોઈ સારી સ્ટોરી સાથે એવી ફિલ્મ મળે જેમાં તે પાત્રને એક્શનની ભરમાર હોય તો મને તે પાત્ર કરવાનો સૌથી વધુ આનંદ થશે.

    ફિલ્મ ‘ગુજરાત ટુ મુંબઈ’ ચાલુ મહિનાની ૨૭ તારીખે થીયેટરોમાં રીલીઝ થઇ રહી છે. ફિલ્મની દિગ્દર્શિકા કાલીન્દીની દવેએ સરસ અને સંદેશાત્મક ફિલ્મ બનાવી છે જેમાં માતાપિતાએ પણ જોવા જેવી ફિલ્મ છે. જો પોતાના દિકરા સાથે તમે અમુક ઉંમર પછી દોસ્ત બનીને રહો અને એની મુશ્કેલીઓ તેઓ તમને મુક્ત મને જણાવી શકે તો અમુક સમસ્યાઓ તો આપોઆપ જ હલ થઇ જાય એમ છે. આ ઉપરાંત પોતાના સંતાનો પ્રત્યે માતાપિતાની પણ ફરજ છે કે તમારું સંતાન જે કંઈ પણ કાર્ય કરી રહ્યું હોય તેની તમને જાણ કરીને જ કરતુ હોય.

n  ગજ્જર નીલેશ 

Read More

kkalindi dave

gujjuartist04.blogspot.com

‘ગુજરાત ટુ મુંબઈ’ મજ્જાની સફર કરાવશે કાલીન્દીની દવે

મૂળ તો મરાઠી anઅને હિન્દી ફિલ્મોમાં ફાઈનાન્સ સાથે સંકળાયેલા અને વર્ષોથી મુંબઈ સ્થાયી થયેલા નિર્માત્રી કાલીન્દીની દવે હવે ગુજરાતી ફિલ્મોના દર્શકોને ‘ગુજરાત ટુ મુંબઈ’ ની સફર કરાવવા આ જ ટાઈટલ સાથે ટૂંક સમયમાં આવી રહ્યા છે. ગુજરાતી ફિલ્મ બનાવવાનો વિચાર તેમને હાલના દોરમાં જ આવ્યો. તેઓનું કહેવું છે કે પહેલાના સમયમાં ગુજરાતી ફિલ્મો ચાલતી હતી અને વચ્ચે થોડો ખરાબ સમય આવ્યો જેમાં ગુજરાતી ફિલ્મોનું લેવલ નીચે ગયું. પરંતુ હવે ફરી પાછું ગુજરાતી ઓડીયન્સ ફિલ્મો જોતું થયું છે એટલે મને એક ગુજરાતી તરીકે વિચાર આવ્યો કે મારી માતૃભાષામાં એક સારી મેસેજ આપતી ફિલ્મ બનાવું. મને લખવાનો અને ડિરેક્શનનો શોખ હતો અને મરાઠી ફિલ્મો અગાઉ ડીરેક્ટ કરેલી હોવાથી મેં મારી ગુજરાતી ફિલ્મ ‘ગુજરાત ટુ મુંબઈ’ જાતે જ ડીરેક્ટ અને પ્રોડ્યુસ કરવાનો નિર્ણય લીધો. જો કે ફિલ્મની

કથા પણ મારી જ હતી એટલે મારાથી વધુ સારું ડિરેક્શન કોણ કરી શકે. ફિલ્મનો મુખ્ય મુદ્દો એ છે કે બાળકો પ્રત્યે માતાપિતાએ કેટલી કાળજી રાખવી જોઈએ. માતાપિતા પોતાના બાળકોના અમુક ઉમર બાદ દોસ્ત બનીને રહે અને બાળકોમાં સાચી સમજણ આપવાની જીજ્ઞાસા જગાવે તેવો વ્યવહાર કરવો જોઈએ. જયારે બાળકો માટે એક શીખ છે કે પોતાના માતાપિતા તમને જે કંઈપણ શિખામણ આપતા હોય તે તમારા ભલા માટે જ આપતા હોય છે. એટલે એ સલાહ કે વ્યવહારને નજરઅંદાઝ ન કરો. ‘ગુજરાત ટુ મુંબઈ’ ફિલ્મ ૨૭ ઓક્ટોબરના રોજ રીલીઝ થઇ રહી છે. ગુજરાતના દર્શકોને ઘણા સમય બાદ એક અલગ થીમ પર સફર કરાવતી ફિલ્મ ટૂંક સમયમાં આવી રહી છે. જેને જોવાનું ચૂકશો નહિ.

પ્ર – ફિલ્મના ગીતો કેવા છે ?

ઉ – ફિલ્મમાં એક ટો જર્ની સોંગ છે જે પાત્રો ગુજરાત થી મુંબઈ જતા હોય ત્યારે આવે છે જે ગીત ખૂબ જ સુંદર લખાયું છે. જે લોકો સફર કરતા હશે એમને સફર દરમિયાન સાંભળવું ગમે તેવું છે. એક ટાઈટલ સોંગ છે. એક હની સિંગના સોન્ગ્સ ટાઈપનું રેપ સોંગ છે અને એક રોમેન્ટિક સોંગ છે જે પ્રેમીઓએ અચૂક સાંભળવા જેવું છે.

પ્ર – મુંબઈના ક્યા સ્થળો જોવા મળશે ?

ઉ – મુંબઈના જાણીતા સ્થળો જુહુ ચોપાટી, ગેટવે ઓફ ઇન્ડિયા, ઉપરાંત હિન્દી ફિલ્મોના સુપરસ્ટાર્સ અમિતાભ બચ્ચન, સલમાન ખાન, શાહરૂખ ખાન વગેરેના બંગલો તથા અન્ય નેસર્ગિક વાતાવરણ ભર્યા સ્થળો જોવા મળશે.

   

ફિલ્મની નિર્માત્રી કાલીન્દીની દવેએ જ પોતાની ફિલ્મ ‘ગુજરાત ટુ મુંબઈ’ નું દિગ્દર્શન કર્યું છે. જેના કલાકારોમાં આદિત્ય સોની, નીલેશ અમલાની, વંશ શાહ, પ્રેયસી કોઠારી અને શચી જોશી ગુજરાત ટુ મુંબઈના હમસફર છે. ગુજરાતી ફિલ્મ ઇન્ડસ્ટ્રી અને મરાઠી ફિલ્મ ઇન્ડસ્ટ્રીના તફાવત વિશે કાલીન્દીનીએ જણાવ્યું હતું કે, ફરક એ છે કે અત્યારે ગુજરાતી ફિલ્મો ધીમે ધીમે સારી ફિલ્મો બનાવી રહી છે જયારે મરાઠી ફિલ્મોનું સ્તર અત્યારે ઉપર છે. એક વસ્તુ ચોક્કસ કહીશ કે, ગુજરાત સરકારે ગુજરાતી ફિલ્મો માટે જ્યારથી સબસીડી આપવી બંધ કરી છે ત્યારથી ફિલ્મોનું માર્કેટિંગ લગભગ ૫૦ ટકા ઘટી ગયું છે. તેના માટે સરકારે ગુજરાતી ફિલ્મો પ્રત્યે કુણું વલણ રાખવું જોઈએ. અધૂરામાં પૂરું હાલ ઘણા સિંગલ સ્ક્રીન સિનેમા પણ બંધ થઇ રહ્યા છે અથવા પડી રહ્યા છે. તો અમારી જેવા ફિલ્મ મેકર્સ પોતાની ફિલ્મ વ્યવસ્થિત રીલીઝ કેવી રીતે કરી શકશે ?   

n  ગજ્જર નીલેશ

Read More