love virus

નમ્રતા મુવીઝ એન્ડ ભાગ્યરેખા ફિલ્મ પ્રોડક્શનના બેનરની ભરત ગઢવી અને હસમુખ પટેલ પ્રસ્તુત ફિલ્મ ‘લવ વાયરસ’ હાર્દિક પટેલના કારણે અટવાયેલી સેન્સરમાં

    નિર્માતા, દિગ્દર્શક અને લેખક હર્ષદ ગઢવી આવતા મહિનામાં સુપર કોમેડી ધમાલ ફિલ્મ ‘લવ વાયરસ’ લઈને આવી રહ્યા છે. જેમ ફિલ્મના નામ પરથી જ ખ્યાલ આવે છે કે ફિલ્મ ટોટલ કોમેડી હશે પરંતુ તેમાં કોમેડીની સાથે સાથે એક્શન, રોમાન્સ જેવો તડકો પણ જોવા મળશે. આ ફિલ્મ જયારે સેન્સરમાં અટવાઈ હતી ત્યારે તેનું કારણ હાર્દિક પટેલનું અનામત આંદોલન હતું. ફિલ્મનું જયારે શુટિંગ ચાલુ હતું ત્યારે અનામત આંદોલને પણ આખા ભારતમાં મોટો જુવાળ સર્જ્યો હતો. જેમાં મનોરંજન ખાતર એક સીન ઉમેરવામાં આવ્યો હતો જ્યાં યમરાજા પાસે જયારે એક મૃત વ્યક્તિ પહોચે છે તો તેઓ કહે છે કે ધરતી પર આનંદીબેન અને હાર્દિક પટેલ શું કરી રહ્યા છે. બસ, આટલા સંવાદ માટે ફિલ્મને સેન્સરની પરીક્ષામાંથી પાસ થવું પડ્યું હતું. ફિલ્મમાં યમરાજા છે તો યમલોક પણ હશે જ. જેને ટેકનીકલી એકદમ યમપુરી હોય તેવા દ્રશ્યો કેમેરામાં ઝડપવામાં આવ્યા છે જે નેચરલ લાગે છે. આ ઉપરાંત હજી સુધી ના આવેલી ટેકનીકનો ઉપયોગ નિર્માતા હર્ષદ ગઢવીની આ ફિલ્મમાં કરવામાં આવ્યો છે. ફિલ્મમાં મુખ્ય કલાકારોમાં રવિ શર્મા, સન્ની ખત્રી, કૃણાલ પંડ્યા અને મરજીના દિવાન છે. આ ફિલ્મની રીલીઝ બાદ અન્ય નિર્માતાઓ પણ આ ટેકનીકથી ફિલ્મ બનાવવા પ્રેરાશે તેવું લાગી રહ્યું છે. નિર્માતા, દિગ્દર્શક હર્ષદ ગઢવીની મહેનત ફિલ્મના પ્રોમોમાં જ દેખાઈ રહી છે જેમાં એવા એવા કોમેડીના ડોઝ ઉમેરવામાં આવ્યા છે કે પ્રેક્ષક સિનેમામાં પોતાની ખુરશી છોડી પણ નહિ શકે. ક્યાંક એમ લાગે કે કોઈ સારો સીન મિસ ના થઇ જાય.

n  ગજ્જર નીલેશ   

Read More

hameer

હમીર – પડદા પાછળની વાતો

કથાસાર

કથા છે હમીરસિંહના જુલ્મની, અને જુલ્મની સામે અવિરત લડાઈ આપતા સામાન્ય કિસાન વીરસિંહ, કેસર અને તેના પુત્રો રઘુવીર અને રાહુલની.

વાસના ભૂખ્યો હમીરસિંહ સુંદર સ્ત્રીઓનો શિકારી છે. એવી જ એક સુંદર સ્ત્રી કેસરને જોઈ હમીરસિંહ તેનો દીવાનો થઇ જાય છે. પણ સંસ્કારી કેસર તેનો દ્રઢતાપૂર્વક સામનો કરે છે અને વીરસિંહ નામનો બહાદુર યુવાન તેની મદદ કરે છે. અને તેની પ્રથમ પત્ની જાનકીની સંમતિથી તેની સાથે લગ્ન કરે છે. પણ દુષ્ટ હમીરસિંહ કાવાદાવા અને પ્રપંચથી વીરસિંહને દેશદ્રોહના આરોપમાં ફસાવી દે છે. અને જેલમાં જ તેનું મૃત્યુ થાય છે.

મોટો પુત્ર રઘુવીર પણ તેનાથી વિખુટો પડી જાય છે. એકલી પડી ગયેલી કેસર દ્રઢતાપૂર્વક હમીરસિંહનો સામનો કરે છે. અને અંતે રઘુવીર તેના પિતાને ફસાવનાર હમીરસિંહ અને તેના સાથીદારોને ખતમ કરી તેમના જુલ્મનો અંત આણે છે.

રસપ્રદ માહિતી

ફિલ્મની શરૂઆત બાલારામ પેલેસથી થઇ છે જ્યાં હેલીકેમથી શોટ લેવામાં આવ્યો છે. પહેલી એન્ટ્રી રાકેશ પુજારા મારે છે જે જોરદાર છે. ગુજરાતી ફિલ્મોની તદ્દન ફાલતું સ્ટોરી કે અર્બન ફિલ્મની સ્ટોરીને પણ આ ફિલ્મ ટક્કર આપી શકી છે. ફિલ્મમાં નોનગુજરાતી કલાકારોનો મોટો કાફલો છે જેમાં યશપાલ શર્મા, મોહન જોશી, રવિ કિશન (ડબલ રોલ), જંગબહાદુર રાણા વગેરેએ ખૂબ જ સરસ ગુજરાતી ડાયલોગ્ઝ બોલ્યા છે. જેમાં પ્રખ્યાત થયેલા ડાયલોગમાં યશપાલ શર્માનો ‘તું આગળથી પણ સારી લાગે છે અને પાછળથી પણ સારી લાગે છે’, અને ‘તું ચત્તી પણ સારી લાગે છે અને બઠ્ઠી પણ સારી લાગે છે.’ જે તે અભિનેત્રી પ્રિયંકા નડિયાદવાલાને સાધીને બોલે છે. પ્રિયંકા નડિયાદવાલા મહેમાન કલાકાર તરીકે શરૂઆતમાં જોવા મળે છે. રવિ કિશનની ફર્સ્ટ એન્ટ્રીનો શોટ ખૂબ સરસ લેવામાં આવ્યો છે. જેનો ડાયલોગ ‘જીંદગી જંડ, છતાય ઘમંડ’ દર્શકોમાં ખાસ્સો લોકપ્રિય થયો છે. ધવન મેવાડાએ તેની અન્ય ફિલ્મો કરતા આ ફિલ્મમાં એક્ટિંગ કરી છે. ગુરુ પટેલ તો અભિનયમાં પણ ગુરુ સાબિત થાય તેવું લાગે છે. તેની એક્ટિંગ નેચરલ લાગે છે. ભવિષ્યમાં તે મેઈન વિલન તરીકે પણ કોઈ ફિલ્મમાં જોવા મળે તો કહેવાય નહિ. ચાંદની ચોપરાના અભિનયની દાદ દેવી પડે કેમ કે, તેના અમુક ડાયલોગ્ઝ પણ ફેમસ થયા હતા જેમાં ક્લાઈમેક્સમાં આવતો સીન અને ચાંદની ચોપરાનો ડાયલોગ કે ‘બોલ હમીરસિંહ હું આગળથી કેવી લાગુ છું અને બોલ હું પાછળથી કેવી દેખાવ છું.’ હિતેન કુમાર તેની બધી ફિલ્મો કરતા અલગ આ ફિલ્મમાં એક મુસ્લિમ કિરદારમાં જોવા મળ્યા. શરૂઆતમાં હિતેન કુમાર વાળો રોલ જીત ઉપેન્દ્ર કરવાના હતા પરંતુ કોઈ કારણોસર આ રોલ હિતેન કુમારના ફાળે આવ્યો. જેમાં તેની પ્રેમકહાની અભિનેત્રી કોમલ ઠક્કર (શકીલા) સાથે જામી હતી. પ્રેમકહાની નાની હતી પણ દમદાર હતી. જેના પર ફિલ્માવાયેલું ગીત ‘તું મને હારે લેતો જા.....’ ગણગણી શકાય એવા સુમધુર શબ્દોથી મઢાયેલું બન્યું છે. જેને વિશાલ ભારદ્વાજની પત્ની રેખા ભારદ્વાજ (નમક ઈશ્ક કા..... ઓમકારા – ફિલ્મ ફેઈમ) એ ગાયું છે. અભિનેત્રી ઉષા ભાટિયા માત્ર એક સીન પૂરતા આવે છે. જે ધ્યાનથી જોતા ખ્યાલ આવે છે. ફિલ્મના દિગ્દર્શક અશોક પટેલ (સમ્રાટ) એ ફિલ્મને બહુ જ સુઝબુઝથી દિગ્દર્શિત કરી છે. નાનામાં નાની વાતોનો ખ્યાલ રાખ્યો છે.

ગીતો કેવા બન્યા છે.

ફિલ્મમાં ટોટલ ૧૨ ગીતો છે જેમાં જે બધા જ ગીતો અશોક પટેલે જ લખેલા છે. જેમાં ‘તું મને હારે લેતો જા.....’ રેખા ભારદ્વાજે ગાયું છે. ‘શુરવીર છે તું.....’ નિશા ઉપાધ્યાયના સ્વરમાં દેશદાઝ જગાવતું ગીત છે. ‘ભલેને ડોલે ડુંગરા.....’ પણ નીતિન બારોટના અવાજમાં એવો જ અહેસાસ પેદા કરે છે. પહેલીવાર શિવતાંડવ પણ આ ફિલ્મમાં સમૂહગાનના રૂપે રજુ થયું છે. ‘ઝરમર વરસે મેહુલીયો.....’ ગીત કર્ણમધુર બન્યું છે જેને કીર્તિ સાગઠીયા અને ચીન્મયે ગાયું છે. ‘હું છું મીરાં પ્રેમદીવાની.....’ ગીત બે ભાગમાં છે જેને કીર્તિ સાગઠીયા, સના અને અદિતિ પાલે સ્વર આપ્યો છે. થીયેટરમાં ફિલ્મ જોતા ફિલ્મમાં ૧૦ ગીતો જ જોવા મળશે. અન્ય બે ગીતો ગાયિકા નમ્રતા કારવાના અવાજમાં અઈતમ સોંગ ‘ટપકા દુ ટપકા દુ’ મસ્ત બન્યું છે. જે હિન્દી ભાષામાં બનેલું અઈતમ સોંગ છે. બીજું સોંગ ‘રાત રંગીલી ઝૂમે જવાની.....’ ગુજરાતી ફિલ્મોનું ૨૦૧૭ નું સૌથી હોટ સોંગ બની રહેશે. જે અભિનેતા ધવન મેવાડા અને અભિનેત્રી રિયા મહેતા પર ફિલ્માવવામાં આવ્યું છે. આ બંને ગીતો ફિલ્મમાંથી સેન્સર કટ કરવામાં આવ્યા છે. જે બંને ગીતોને તમે મારા બ્લોગ ‘gujjuartist04@blogspot.in’ પર જોઈ શકો છો. જે ગીતમાં અભિનેત્રી રિયા મહેતાએ બહુ ઉત્તેજક દ્રશ્યો આપ્યા છે.

n  ગજ્જર નીલેશ

Read More

firoz irani

રૂરલ અને અર્બન બંને પ્રકારની ફિલ્મોમાં પરફેક્ટ વિલન ફિરોઝ ઈરાની

    ગુજરાતી ફિલ્મો માટે જુના કલાકારોને હવે સમયના પ્રવાહમાં બનતી ફિલ્મો સાથે તાલ મેળવીને ચાલવું પડે તેમ લાગી રહ્યું છે. કારણ કે હવે ફિલ્મોએ પોતાના રંગરૂપ બદલ્યા છે. હવે જેમ પહેલા ફિલ્મો બનતી હતી તેના કરતા ક્યાંય વધુ સારી કક્ષાની અને ઓછી મહેનતે ફિલ્મો બનવા લાગી છે. પરંતુ તે જમાનાના કલાકારો અને આજના યુવા કલાકારોમાં કોઈ ફરક નથી પડ્યો. અપવાદ ફક્ત જુના અને ૬૦૦ થી પણ વધુ ફિલ્મોમાં ખલનાયકી કરનાર અભિનેતા ફિરોઝ ઈરાની. તેઓ પહેલાની ફિલ્મોમાં ઘોડા પર એન્ટ્રી લેતા હવે ફિરોઝ ઈરાની આજની જનરેશનને અનુરૂપ ઓડીમાં એન્ટ્રી મારવા લાગ્યા છે. બદલાતી ફિલ્મો સાથે એક કલાકારે પણ બદલાવું પડે તેનું શ્રેષ્ઠ ઉદાહરણ હિન્દી અને ગુજરાતી ફિલ્મ ઇન્ડસ્ટ્રીમાં ચાર દાયકા પૂર્ણ કરનાર ફિરોઝ ઈરાનીએ સાબિત કરી બતાવ્યું છે. હાલ તેમની બે અર્બન ફિલ્મો આવી રહી છે જેમાં એક ફિલ્મ ‘રોશની’ છે જેમાં તેઓ મુસ્લિમ ડોનનો રોલ ભજવી રહ્યા છે જયારે અન્ય એક ફિલ્મમાં તેઓ અત્યાર સુધીમાં તેમની કારકિર્દીમાં ન ભજવેલું પાત્ર ભજવી રહ્યા છે તે ફિલ્મ એટલે ‘વાયડી ફેમીલી’. આ ઉપરાંત અન્ય બે ફિલ્મો મેઈન લીડ ખલનાયકના રોલ માટે તેઓ સાઈન કરી ચુક્યા છે જેમાં એક રફીક તાલુકદારની ફિલ્મ અને અન્ય એક ગુજરાતી ફિલ્મ છે જેનું નામ હાલ જાણવા નથી મળ્યું. શૈલેશ શાહની ‘વાયડી ફેમીલી’ સહીત અન્ય એક તેમની જ ફિલ્મ હાલ સાઈન કરી ચુક્યા છે જેનું શુટિંગ ટૂંક સમયમાં શરૂ થશે. આ તમામે તમામ ફિલ્મો ગુજરાતી અર્બન ફિલ્મો છે જે અત્યારના દર્શકવર્ગને ફિરોઝ ઈરાની પોતાની સ્ટાઈલમાં અભિનય આપીને વધુ સારૂ કાઠું કાઢશે. ફિરોઝ ઈરાની બળાપો વ્યક્ત કરતા કહે છે કે અમુમ્ક લોકોએ એવી અફવા મારા વિષે ફેલાવી છે કે હું ફક્ત રૂરલ ફિલ્મોનો જ કલાકાર છું તેમને મારે બતાવવું છે કે એક કલાકાર માટે ફિલ્મ એ માત્ર ફિલ્મ હોય છે. તે ભલે પછી રૂરલ હોય કે અર્બન. અત્યાર સુધીની લાંબી કેરિયરમાં ફિરોઝ ઈરાનીએ લગભગ કેટલાય નામચીન કલાકારો સાથે કામ કર્યું છે જે બીજા કોઈ ગુજરાતી કલાકારે કર્યું હોય તે યાદ નથી. 

    તેમની હિન્દી ફિલ્મી કેરિયર પર નજર કરીએ તો મીલેનીયમ મેગા સ્ટાર અમિતાભ બચ્ચન સાથે ‘યાર મેરી ઝંદગી’ અને ‘ખૂન પસીના’ માં, નસીરુદ્દીન શાહ સાથે ઝીંદા જલા દેંગા’ મેઈન વિલન તરીકે કરી, નાના પાટેકર સાથે ‘અંગાર’ જેમાં એક એવો ડોક્ટર જે જેકી શ્રોફને પાગલ બનાવી દે છે. જયારે આ ફિલ્મ ‘અંગાર’ માટે નાના પાટેકરને ફિલ્મ ફેર એવોર્ડ મળ્યો ત્યારે એવોર્ડ નાઈટમાં ફિરોઝ ઈરાની સાથેનો આ જ સીન બતાવવામાં આવ્યો હતો. હાલ પણ જેકી શ્રોફ ફિરોઝ ઈરાની જયારે અન ભેગા થાય ત્યારે ગુજરાતીમાં જ વાતો કરે છે. અનીલ કપૂર સાથે ‘લવ મેરેજ’ માં તેઓ મેઈન વિલન બન્યા અને ક્લાઈમેક્સનો ફાઈટ સીન તેમના પર જ લેવામાં આવ્યો હતો. ધર્મેન્દ્ર અને જીતેન્દ્ર સાથે ફિલ્મ ‘નફરત કી આંધી’ માં ચાર વિલનમાના એક ફિરોઝ ઈરાની હતા. અબ્બાસ મસ્તાન દિગ્દર્શિત અક્ષય કુમાર, બોબી દેઓલ સાથે ‘હમરાઝ’ માં કામ કર્યું. આમીરખાન અને રજનીકાંત સાથે ‘આતંક હી આતંક’ માં એક એવા ડોન બન્યા જેનું નામ યુસુફ પટેલ હતું. ગોવિંદા સાથે, હિન્દી ફિલ્મોમાં કેવી રીતે એન્ટ્રી થઇ તે વાત પણ મજાની છે. તે સમયે દિગ્દર્શક મુકુલ દત્ત ‘આન મિલો સજના’ બનાવી રહ્યા હતા. તે સમયે ફિરોઝ ઈરાની માત્ર ૨૪ વર્ષના હતા અને તેમને આ ફિલ્મમાં પોલીસ ઇન્સ્પેક્ટરના માત્ર બે સીન કરવા મળ્યા હતા. ત્યારબાદ ખૂન પસીનાના ડિરેક્ટર રાકેશ કુમારને આ ફિલ્મમાં ફિરોઝ ઈરાની આસીસ્ટ કરી રહ્યા હતા. ફિલ્મનું શુટિંગ કાશ્મીરમાં ચાલી રહ્યું હતું અને તે સમયના વિલન સુધીર કોઈ કારણોસર શુટિંગ લોકેશન પર ન પહોચી શક્યા એટલે રાકેશ કુમારે પોતાના આસીસ્ટંટ ફિરોઝ ઈરાનીને આ રોલ કરવાનું કહ્યું અને ફિરોઝ ઈરાનીએ સહર્ષ તે સ્વીકારી લીધું. કારણ કે કેરિયર તો હિન્દી ફિલ્મોમાં બનાવવી જ હતી. પછી ભલે તે દિગ્દર્શનમાં બંને કે અભિનયમાં. 

પ્ર – નોર્મલી ગુજરાતી પડદેથી અભિનેતાઓ હિન્દી પડદે આવતા હોય છે જયારે તમારી કેરિયર હિન્દી ફિલ્મોમાં બની જ ગઈ હતી તો ફરી ગુજરાતી ફિલ્મો તરફ વળવાનું કારણ ?

ઉ – તે સમયે મને ઘણી હિન્દી ફિલ્મો અને સીરીયલ્સની ઓફર્સ મળી રહી હતી અને બીજી તરફ રોજની ચાર ચાર ફિલ્મોના શુટિંગ મારે ચાલુ હતા. જે અમુક કારણોસર ત્યારે ગુજરાતી ફિલ્મોના શુટિંગ પણ મિક્સ થઇ ગયા એટલે મારું ધ્યાન ફક્ત મારા કામ પર હતું. જેની અસર મારી હિન્દી ફિલ્મોના કામ પર પડી. જેને હું મારી ભૂલ નથી ગણતો. કારણ કે ગુજરાતી ફિલ્મોથી જ મારી ઓળખ છે અને એનાથી જ ગુજરાતના લોકો મને નથી ભૂલી શક્યા. 

પ્ર – ખલનાયકને હંમેશા લોકો ધુત્કારે છે ત્યારે તમને કેવું લાગે છે ?

ઉ – મને હું જે કરી રહ્યો છું તેનું વળતર લોકો પાસેથી મળે છે. જેમ પહેલાના સમયના વિલન અમરીશ પૂરી કે પ્રાણ લોકો પર એવા હાવી થઇ ગયેલા કે હજી પણ કોઈ પોતાના બાળકનું નામ તેમના નામ પરથી નથી રાખતા. અને ખલનાયકને હંમેશા નફરતથી જ જોવામાં આવે છે ત્યારે મને આનંદ થાય છે. કારણ કે મારું માનવું છે કે હીરો એ હોય જેની એન્ટ્રી પર તાળીઓ વાગે અને વિલન એ સફળ કહેવાય જેની એન્ટ્રી પર ગાળો પડે.

પ્ર - એવું પણ સાંભળવામાં આવ્યું છે કે તમને ઘણી પોલીટીકલ પાર્ટીઓ તમારા પાછળ પડી છે ૨૦૧૭ ના ઈલેક્શન માટે શું એ વાત સાચી છે ?

ઉ - પાર્ટીઓ તો ઘણી પાછળ પડી છે પણ હજી મેં વિચાર્યું નથી કે મારે પોલીટીક્સમાં આવવું જોઈએ કે નહિ.

અત્યાર સુધીમાં લગભગ ૫૩૨ જેટલી ગુજરાતી ફિલ્મોનો આંકડો પહોચ્યો છે. ૮૫ જેટલી હિન્દી ફિલ્મો.

n  ગજ્જર નીલેશ

Read More

gokul baraiya

મારી સ્કુલની બેગમાં બુક્સને બદલે કોસ્ચુમ્સ ભરેલા રાખતો - ગોકુલ બારૈયા

    ફિલ્મી દુનિયા એકદમ ઝાકમઝોળ દુનિયા છે જેમાં આવવા માટે કેટલાય નવયુવાનો પડાપડી કરતા હોય છે. કોઈ હીરો બનવા માટે પહેલું પગથીયું લાગવગ શોધે છે કે જો ડાયરેક્ટ ફિલ્મોમાં કામ મળી જતું હોય તો વધુ બીજે ક્યાંય ફાંફા મારવા નહિ. અને બીજા એવા લોકો હોય છે જે પોતાની પ્રવૃત્તિને જ પ્રથમ પગથીયું બનાવીને ચાલે છે. જેમકે કોઈ અભિનયના પાઠ શીખીને ફિલ્મોમાં ચમકે છે તો કોઈ નાના નાના ફિલ્મના કામો કરીને આગળ વધે છે. એવી રીતે જ ગોકુલ બારૈયાનું નામ પોતાના દમ અને કુશળતા પર ફિલ્મોમાં નામ કમાયા એમ કહી શકાય. ગોકુલ બારૈયાને નાનપણથી જ ફેશન ટીવી જોવાનો ગાંડો શોખ હતો. તેમાં આવતા મોડેલ અને તેના પોશાકો વગેરેને જોઇને ગોકુલને એમ થતું કે ક્યારેક મારે પણ આવી રીતે એક મોડેલ બનવું છે. તેમને સ્કુલ ટાઈમમાં પોકેટ મની માટે ફક્ત ૨૦ રૂપિયા મળતા હતા. જેમાંથી ગોકુલ સ્કુલે ચાલતા જતા અને ચાલતા આવતા એમ થોડી થોડી પોકેટ મની બચાવી બચાવીને મોડેલીંગ માટેનું ફોર્મ ભરી આવતા. ત્યાના ઓડીશન્સ અને મેલ મોડેલ્સને જોઇને એમની પાસેથી થોડું ઘણું જાણીને અનુભવ મેળવ્યો. આટલી સખત મહેનત બાદ ૨૦૦૭ માં એક સ્પર્ધામાં ‘મી. સુરત’ ની ખ્યાતી પામ્યા. આ શોખ તે સમયે એટલો કે દફતરમાં બુક્સ ને બદલે કોસ્ચુમ્સ ભરેલા હોય. જેનાથી દસમું ધોરણ ફેલ થયું પણ અભિનયક્ષેત્રના દરવાજા ખુલી ગયા અને સુરતની જ એક ખાનગી ચેનલ માટે ‘સાસુજીના સોનેરી સપના’ નામની સીરીયલમાં કામ મળ્યું. ત્યારબાદ ઘણા આલ્બમ સોન્ગ્સ કર્યા જેનાથી મેકઅપ આર્ટીસ્ટ મોના ચાવડા સાથે સંપર્કમાં આવતા તેમની સાથે એડ ફિલ્મ્સ કરી. તે દરમિયાન મોના ચાવડા નિર્માતા હરેશ પટેલની ફિલ્મ ‘પ્રીત જનમો જનમની ભુલાશે નહિ’ માં જોડાયા અને તેમાં ઉમેદસિંહ નામના પાત્રની શોધ ચાલુ હતી. જેમાં ઓડીશન થકી ઉમેદસિંહનું પાત્ર ગોકુલને મળ્યું. જે ગોકુલની પહેલી જ ફિલ્મ સિલ્વર જ્યુબીલી રહી હતી તે તો સૌ જાણે જ છે. જેનાથી ગોકુલ બારૈયાનો ઉત્સાહ વધ્યો અને થયું કે હવે આના કરતા પણ સારી એક્ટિંગ કરીને બતાવવી પડશે જેથી દર્શકોમાં લોકપ્રિય થઇ શકાય. ત્યારબાદ તરત એક હિન્દી ફિલ્મ અને એક ભોજપુરી ફિલ્મ ‘રાજા પરદેસી’ મળી. છેલ્લે તેઓ આત્મારામ ઠાકોરની ફિલ્મ ‘અવતાર ધરીને આવું છું’ માં અભિનેતા વિક્રમ ઠાકોર સામે બાથ ભીડતા દેખાયેલા. 

પ્ર – છેલ્લે નેગેટીવ રોલમાં દેખાયેલા તો એમાં જ કારકિર્દી બનાવશો ?

ઉ – મને એવું નથી ક્યારેય સુઝ્યું કે હું અમુક પાત્રોમાં બધીયાર રહીને વિહરી ના શકું. મારા માટે પાત્ર મહત્વનું છે નહિ કે એની અદા. મારા મતે દરેક પાત્ર પડકારજનક હોય છે જો તેને ગંભીરતાથી લેવામાં આવે તો. હું હમણાં જ એક ફિલ્મ ઝવેરચંદ મેઘાણી પર બની રહી છે તેમાં અભિનય કરી રહ્યો છું. જેમાં હું હીરો તરીકે દર્શકોને જોવા મળીશ. જેના માટે મારે એમના વિષે ઘણું જાણવું પડ્યું હતું. એટલે મારા માટે દરેક રોલ એક પરીક્ષા સમાન છે. હું માનું છું કે મે એક ફિલ્મ સાઈન કરી તે ફિલ્મનું શુટિંગ જ્યારથી શરૂ થવાનું હોય ત્યારથી હું મારી પરીક્ષાની ઘડીઓ ગણવા માંડુ છું. તેને હું પરીક્ષા જ માનું છું. 

પ્ર – અર્બન ફિલ્મો વિષે હાલ શું વિચારો છો ?

ઉ – સો ટકા હું અર્બન ફિલ્મો કરીશ જ અને એક કરી પણ રહ્યો છું. સમાજમાં દરેક પ્રકારના લોકોનો વર્ગ છે. અમુકને સારી સ્ટોરી હોય તો ફિલ્મ ગમે છે, ઘણાને સારા સોન્ગ્સ હોય તો ફિલ્મ ગમે છે. અત્યારની જનરેશન સાથે નહિ ચાલો તો આ જનરેશન તમને પાછળ છોડી દેશે. દ્વિભાષી અને ડબલ મિનીંગ કોમેડી ફિલ્મો બંને છે તેનાથી મને કોઈ છોછ નથી. કારણ કે તેને જોવાવાળો વર્ગ છે. મારી આવનારી ફિલ્મ ‘હદ થઇ ગઈ’ એ હાલની જનરેશન પર જ બની છે.

n  ગજ્જર નીલેશ

Read More